میری زندگی کا ناقابلِ فراموش واقعہ

۔۔۔۔۔۔۔۔۔۔۔۔۔۔۔۔۔۔۔۔۔۔یہاں آپ اپنی زندگی کا کوئی بھی یادگاراور ناقابلِ فراموش واقعہ بیان کرسکتے ہیں۔۔۔۔۔۔۔۔۔۔۔۔۔۔۔۔۔۔۔۔۔۔۔۔​

 

جناب ہارون الرشید صاحب پہل کوئی بھی کرسکتا ہے صلائے عام ہے یارانِ نکتہ داں کے لیے اور اگر آپ کہیں کہ جیہڑا بولے اووی کنڈاکھولے تو جوں ہی یکسوئی میسر آئی آپ کو ایک دلچسپ واقعہ سناؤں گامگر پھر کہوں گااِس لڑی میں بسم اللہ الرحمن الرحیم کی برکتیں کسی کے دم سے بھی شروع ہوسکتی ہیں،چاہے وہ آپ ہوں ، بلکہ میری درخواست ہے کہ آپ ہی بسم اللہ کریں۔۔۔۔۔۔۔۔۔۔۔۔۔ازراہِ لطف وکرم!

 

کراچی یونیورسٹی کاایک الگ شعبہ آئی بی اے (انسٹی ٹیوٹ آف بزنس ایڈمنسٹریشن )ہے ،جس کا ایک کیمپس گارڈن میں واقع ہے۔میں اُس کے سامنے سے کوئی ایک ہزار بار گزراتھا مگر اُس دن جب مجھے یہاں داخلے کے ٹیسٹ کے لیے حاضر ہونا تھا میرے ذہن سے یکسر نکل گیا ۔ٹیسٹ صبح آٹھ بجے شروع ہونا تھااور میں تذبذب کے عالم میں ایک یا آدھ منٹ رہ گیا ہوگا کیمپس کی تلاش میں (موٹر سائیکل پر)اُس کےآس پاس ہی گھوم رہا تھا۔مجھے ایک شخص نظر آیا ۔میں جھٹ اُس کے پاس پہنچااور آئی بی اے کیمپس کا پتہ نشان پوچھا۔بدقسمتی سے وہ شخص ہکلانکلا،اُس نے کہنا شروع کیا ۔۔۔ک ۔ک۔ کک ۔کراچی ۔۔یو۔۔نن ۔۔۔نر۔۔۔س ۔ سس ۔۔۔ٹی ۔۔میں نے کہا ہاں کراچی یونیورسٹی ۔اُس نے کہا آئی ۔۔۔ب ۔۔بب ۔۔۔۔بی ۔۔۔۔اے ؟میں نے کہاں ہاں ہاں آئی بی اے ۔سس۔۔سٹی ۔۔۔ک ۔ ک۔۔۔کک۔۔کیمپس ؟ میں نے کہاہاں سٹی کمیپس۔ کہنے لگا ۔۔و۔و۔۔۔وہ۔ ۔س۔س۔س۔سس۔۔سامنے ۔۔۔۔میں نے مُڑ کر دیکھا۔واقعی انسٹی ٹیوٹ آف بزنس ایڈمنسٹریشن ،کراچی یونیورسٹی ،گارڈن کیمپس کی عمارت میری پشت پر تھی۔میں نے موٹر سائیکل اسٹارٹ کی اور لپک کر وہاں پہنچامگرمیرے پہنچتے پہنچتے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔گیٹ بند ہوگیا۔ چند اور لڑکے بھی جنھیں میری طرح محض چند سیکنڈز کی دیر ہوگئی تھی،جمع ہوگئےاور گیٹ کپیر سےبہت اپیلیں، منتیں سماجتیں اور درخواستیں کیں مگر وہ گیٹ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ہم پر ایسا بند ہوا کہ آج تک نہیں کھلا۔