میرا دل وی چاہندا مدینے نُوں جاواں

وما ارسلنک الا رحمۃ اللعالمین

نعتِ رسولِ مقبول ﷺ

جُدائیاں دے دُکھڑے میں کِس نُوں سُناواں؟
میرا دل وی چاہندا مدینے نُوں جاواں
جُدائیاں دے دُکھڑے ۔۔۔

اوہ ویکھو مدینے نُوں جاندے نیں لوکی
اوہ وگڑے مُقّدر بناندے نیں لوکی
میں وی جا کے سُتّے نصیبے جگاواں
میرا دل وی چاہندا مدینے نُوں جاواں
جُدائیاں دے دُکھڑے ۔۔۔

بُلاوے جے مینُوں مدینے دا والیؐ
میں آکھاں ایہہ چُم چُم کے روضے دی جالی
کرو میرے آقاؐ میرئیاں معاف خطاواں
میرا دل وی چاہندا مدینے نُوں جاواں
جُدائیاں دے دُکھڑے ۔۔۔

سدا اُٹھدا بیہندا ایہہ طالب ؔ پُکارے
میں جا کے مدینے دے ویکھاں نظارے
صُبح شام رو رو ایہہ منگدا دُعاواں
میرا دل وی چاہندا مدینے نُوں جاواں
جُدائیاں دے دُکھڑے ۔۔۔

جُدائیاں دے دُکھڑے میں کِس نُوں سُناواں؟
میرا دل وی چاہندا مدینے نُوں جاواں
جُدائیاں دے دُکھڑے ۔۔۔

طالب ؔ چشتی
​

 

جواب: میرا دل وی چاہندا مدینے نُوں جاواں

سبحان اللہ

بوہت سوہنا تے من کھچواں کلام اے

جزاک اللہ

 

جواب: میرا دل وی چاہندا مدینے نُوں جاواں

جزاک اللہ

کنا سوہنا ہووے



جے کدی سوہنا بلا لوے تے