میرا حسین باغ نبوت کا پھول ہے

میرا حسین باغ نبوت کا پھول ہے​

میرا حسین باغ نبوت کا پھول ہے
حیدر کی اس میں جان ہے خون بتول ہے۔

آل نبی کا پیار ہے ایمان کی زندگی
ان سے نہیں پیار تو سب کچھ فضول ہے۔

خوشیاں سبھی نثار ہیں اس پر جہان کی
جس کو غم حسین میں رونا قبول ہے۔

دنیا میں اور کون ہے شبیر کے بغیر
ایسا سوار جس کی سواری رسول ہے۔

گزرا جہاں جہاں سے نواسہ رسول کا
اب تک وہاں خدا کے کرم کا نزول ہے۔

جس کے لئے یزید نے اتنے ستم کیے
وہ تاج تو حسین کے قدموں کی دھول ہے۔

تو ان کے در سے مانگ لے جو کچھ بھی دل کرے
مالک سبھی جہان کی آل رسول ہے۔​

 

جزاک اللہ

صلی اللہ علیہ وآلہ وسلم