مکہ شریف میں ہر طرف اللھم لبیک کی صدائیں

دنیا بھر سے آنے والے لاکھوں عازمین آج حج کا سب سے بڑا رکن وقوف عرفہ کی ادائیگی کے لیے میدان عرفات پہنچ گئے ہیں۔
دنیا بھر تقریباً چودہ لاکھ مسلمان سعودی عرب پہنچے ہیں، اطلاعات کے مطابق غیر ملکی عازمین حج میں سب سے زیادہ تعداد انڈونیشیا سے تعلق رکھتی ہے اور وہاں سے ایک لاکھ اڑسٹھ ہزار سے زیادہ مسلمان فریضہ حج ادا کر رہے ہیں۔

مفتی اعظم شیخ عبدالعزیز بن عبداللہ نے میدانِ عرفات میں خطبہِ حج دیتے ہوئے کہا ہے کہ مسلمانوں کو اپنے نفس پر قابو رکھنا چاہیے — اے ایف پی فوٹو

 

مفتی شیخ کا کہنا تھا کہ عالمِ اسلام کا میڈیا اپنی ذمہ داری ادا کرے۔ انہوں نے کہا کہ کسی بھی انسان کو قتل کرنا اسلام میں سخت گناہ ہے — اے ایف پی فوٹو

 

انہوں نے کہا کہ جو غیر مسلم ہیں وہ اسلامی دنیا اور ممالک کو تباہ کرنا چاہتے ہیں، لیکن مسلمانوں کو چاہیے کہ وہ نبی کریم حضرت محمدصلی اللہ علیہ وسلم کی تعلیمات پر عمل کرتے رہیں — اے ایف پی فوٹو

 

ہر سال بیس لاکھ سے زائد افراد حج ادا کرنے کے لیے سعودی عرب کے شہر مکہ کا رخ کرتے ہیں — اے ایف پی فوٹو

 

غیر ملکی عازمین حج میں سب سے زیادہ تعداد انڈونیشیا سے تعلق رکھتی ہے اور وہاں سے ایک لاکھ اڑسٹھ ہزار سے زیادہ مسلمان فریضہ حج ادا کر رہے ہیں — اے پی فوٹو

 

مناسکِ حج کا آغاز گزشتہ روز ہوا تھا اور پہلے مرحلے میں عازمین مکہ مکرمہ سے سات کلو میٹر کی دوری پر واقع منیٰ کے لیے روانہ ہوئے اور رات وہاں خیموں میں گزاری — اے پی فوٹو

 

نو ذوالحج کو فجر کی نماز کے بعد عازمینِ حج منیٰ سے میدانِ عرفات کے لیے روانہ ہوتے ہیں، جہاں وقوفہ عرفہ کی ادائیگی کی جاتی ہے — اے ایف پی فوٹو

 

ہر سال نو ذوالحج کو خانہ کعبہ کے غلاف کی تبدیلی کی جاتی ہے اور اس سال بھی اس کی تیاری میں بیس ملین ریال کی لاگت آئی ہے — اے ایف پی فوٹو

 

عرفات میں غروبِ آفتاب تک قیام لازمی ہے اور اس کے بعد حجاج کرام مزدلفہ کے لیے روانہ ہوتے ہیں، جہاں پر مغرب اور عشاء کی نمازیں ادا کی جاتی ہیں اور رات بھر یہاں قیام ہوتا ہے — اے پی فوٹو

 

دس ذوالحج قربانی کا دن ہوتا ہے اور عازمین ایک مرتبہ پھر مزدلفہ سے منیٰ آتے ہیں، جہاں قربانی سے قبل شیطان کو کنکریاں ماری جاتی ہیں — اے پی فوٹو

 

عازمین حج کی امسال تعداد کے حوالے سے پاکستان کا نمبر دوسرا ہے۔ پاکستان سے مجموعی طور پر ایک لاکھ تینتالیس ہزار سے زائد عازمین حج کے لیے پہنچے ہیں — اے ایف پی فوٹو

 

گیارہ اور بارہ ذوالحج کو تمام مناسک سے فارغ ہونے کے بعد عازمین ایک مرتبہ پھر مکہ مکرمہ جا کر مسجد الحرم میں الوداعی طواف کرتے ہیں — اے ایف پی فوٹو
http://urdu.dawn.com/news/1010455/