مکّہ اگر ہو دِل تو مدینہ خیال ہو ۔۔ رفیع سرسوی

مکّہ اگر ہو دِل تو مدینہ خیال ہو
ممکن نہیں. عروجِ بشر کا زوال ہو

شمشیر ہمّتوں کی تو غیرت کی ڈھال ہو
"جب بات آبرو کی، انا کا سوال ہو

تبلیغ پتھّروں پہ کرے گا وہ آدمی
کردار جس کا آئینئہ بے مثال ہو

حیرت ہے اس سے تیرگی بیعت طلب ہوئی
سورج بھی جس کاصدقئہ جاہ و جلال ہو

آیا تھا آندھیوں سے جو لڑنے کے واسطے
اس کو چراغ بُجھنے کا پھر کیوں ملال ہو

ہم لوگ ان سے کیسے بھلا دوستی کریں
خوں ریز جن کا دین ہو ایماں قِتال ہو

لازم ہے ان کو ایسی سنائیں کہانیاں
بچّوں کو امتیازِ حرام و حلال ہو
----
رفیع سرسوی
67 واں فی البدیہ طرحی مشاعرہ 17 تا 18 دسمبر 2018
فیس بک ٹائمز انٹرنیشنل​

 

مکّہ اگر ہو دِل تو مدینہ خیال ہو
ممکن نہیں. عروجِ بشر کا زوال ہو
​

 

سبحان اللہ ـ جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین