مکاں بھی تیرا ہے اور لا مکاں بھی تیرا ہے ۔بلال رشید

مکاں بھی تیرا ہے اور لا مکاں بھی تیرا ہے
جلال کن فیکوں سے عیاں بھی تیرا ہے
ترے ہی حکم سے راتیں سیاہ ہوتیں ہیں
یہ نور مہر و مہ و کہکشاں بھی تیرا ہے
ہے گھر ازل سے مسلماں کے دل میں گو تیرا
ہر اک مکاں سے بلند آشیاں بھی تیراہے
ہوائیں تیرے ہی فضل و کرم سے چلتی ہیں
یہ بادلوں کا حسیں کارواں بھی تیرا ہے
اگر چہ تو نہیں دیتا دکھائی بندوں کو
ہر ایک آنکھ میں لیکن نشاں نھی تیرا ہے
ترے کرم کے بنا میں کہاں رہوں یا رب
زمیں بھی تیری ہے اور آسماں بھی
بجا ہیں نام قہار و عزیز بھی تیرے
کلام حق میں لقب مہرباں بھی تیرا ہے
جہاں میں جس کی تلاوت ہے روز و شب جاری
وہ اک پیام حسیں جاوداں بھی تیرا ہے
بلال تیرے سوا کس سے اورمدد مانگے
کہ سب یہاں بھی ترا اور وہاں بھی تیراہے
-----
بلال رشید

​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین