مَحشَر میں تَکیَہ گاہِ گُنہگار ہے وَسِیع ۔۔ نسیم سَحَر

مَحشَر میں تَکیَہ گاہِ گُنہگار ہے وَسِیع
کیسے نہ ہو کہ رَحمَتِ سَرکار ہے وَسِیع

ہے مُعجزَہ یہ خُلقِ رَسُولِ کریم کا
بَہرِ مُہاجِرِیں دِلِ اَنصَار ہے وَسِیع

قُربان جَاؤں تیرے مَدِینے کے کاخ و کُو
گُل پھر تو گُل ہے , تَذکرَۂ خَار ہے وَسِیع

صُلبِ خَلِیل میں ہیں وہ اللہ کے حَبیب
جب تو دَہکتی آگ بھی گُلزار ہے وَسِیع

جَنَّت سَجِی ہے بَہرِ غُلامَانِ مُصطفےٰﷺ
دوزخ بَرائے دُشمَنِ سَرکار ہے وَسِیع

جودِ شہِ کَونَین کے آگے کہےگا کون ؟
دَستِ عَطـائے حَاتم زَردَار ہے وَسِیع

مُمکِن کہاں ہے وَصفِ نبی عِشق کےبغیر
مانا سَحَر ! کہ فِکرِ قلم کار ہے وَسِیع
-----
*نسیم سَحَر*نَاظمِ اعلیٰ مَدرسَہ تَعلِیمُ القُرآن گیا بہار
بزم نعتﷺ
عالمی واٹس ایپ گروپ "بزم نعت" کا چھپنواں شاندار طرحی مشاعرہ
1 اگست 2018
​

 

مُمکِن کہاں ہے وَصفِ نبی عِشق کےبغیر
مانا سَحَر ! کہ فِکرِ قلم کار ہے وَسِیع​

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین