منقبت درشان اہلبیت

بزم حسان میں کہا گیا مکمّل کلام ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پاک رب نے کر دیا ہے خاندان اہلبیت

آیت تطہیر سے ظاہر ہے شان اہلبیت
ظلم کی آندھی میں بھی جھلسا نہ جھلسے گا کبھی
حشر تک مہکے گا یوں ہی گلستان اہلبیت
مل گئی خلد بریں کی بالیقیں ان کو سند
ہو گئے جو صدق دل سے عاشقان اہلبیت
حشر میں رسوائیاں ان کا مقدر بن گئیں
جو ہوئے ہیں اس جہاں میں دشمنانِ اہلبیت
حرز جاں رکھتے ہیں بوبکر و عمر عثماں جسے
اے علی وہ ہے تمھارا خاندان اہلبیت
بے اجازت بلبل سدرہ نے نہ رکھا قدم
عاشقو وہ شان والا ہے مکان اہلبیت
حشر میں اے کاش آسؔی مجھ سے آقا یوں کہیں
آمرے دامن میں آ اے میہمان اہلبیت ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ *عثمان غنی آسؔی انصاری منڈیروی*