منقبت خلیفہ دوم خسر نبی دامادِ علی امیرالمؤمنین حضرت عمر فاروق رضی اللہ عنہ

جو در کعبے کا کھلوائے اسے فاروق کہتے ہیں
جو رب کا دین منوائے اسے فاروق کہتے ہیں

نگاہ انتخاب ہے وہ نبوت کی نگاہوں کا
اثر ہے جو محمد پاک کی پیاری دعاؤں کا

فخر ہے جو محمد پاک کی شریعت کے گواہوں کا
جو محسن ہے حکومت کے ایوانوں بادشاہوں کا

جو عدوِ دین تڑپائے اسے فاروق کہتے ہیں

جسے مانگا خدا سے اس کے آفاقی پیغمبرنے
دعائے نبی کی لاج رکھی اس مرد قلندر نے

عرب کے مرد حر نے اور حقیقت کے سکندر نے
جس کے حکم کو مانا ہواؤں نے سمندر نے

جو خشک دریا چلوائے اسے فاروق کہتے ہیں

دمِ ہجرت وہ نکلا اور للکارا پجاری کو
ابوجہل ،ابو لہب ، ہر بد بخت ناری کو
اور فرمایا
حلالی ہو تو روکو آج عمر کی اس سواری کو
میں موتیں بانٹنیں نکلا ہوں بتادو ہر بھکاری کو

جو کفر کے چھکے چھڑوائے اسے فاروق کہتے ہیں

میرا ایمان ہے الطاف میرا یہ عقیدہ ہے
پڑھا آپ کی مدحت میں میں نے جب قصیدہ ہے

جو سن کے جھوم اٹھتا ہے خوشا اس کا نصیبا ہے
جو جل جائے تو سمجھ لینا شر اس نے خریدا ہے

منافق جس سے جل جائےا سے فاروق کہتے ہیں
جودر کعبے کا کھلوائے اسے فاروق کہتے ہیں

رضی اللہ تعالٰی عنہ

شاعر الطاف منہاس
​

 

سبحان اللہ ۔ اللہ تعالٰی جزائے خیر عطا کرے آمین