منقبتِ امامِ اہلسنت امام احمد رضؔا خان (مسجدِ حق کی اذاں احمد رضا) ۔ از مظؔفر وارثی

مسجدِ حق کی اذاں احمد رضا
عشق کا دارالاماں احمد رضا

شرع و سنت کی حقیقی راہ گزر
معرفت کا گلستاں احمد رضا

عکسِ باطن بھی ہے آئینہ بکف
جسم دیں، پرچھائیاں احمد رضا

قائلِ اجماع و قرآن و حدیث
حُسنِ نیّت کی زباں احمد رضا

ہیں تصانیف آپ کی لگ بھگ ہزار
علم کے کوہِ گراں احمد رضا

ہر ادا اصحابِ صفّہ کی مرید
سائبانِ عاشقاں احمد رضا

جو نبی کے خانوادے سے چلی
اُس مَحبت کی اذاں احمد رضا

موت کو سکھلائیں جینے کا ہنر
قبر کی روحِ رواں احمد رضا

چل رہی ہے اذن سے اُن کے ہَوا
ناؤ ایماں، بادباں احمد رضا

رستے رستے آپ کے نقشِ قدم
کارواں در کارواں احمد رضا

جائے پیدائش بریلی کی زمیں
ہیں مکینِ قلب و جاں احمد رضا

ذہن، دل، آنکھیں مُظؔفّر روشنی
چاند سورج کہکشاں احمد رضا​

 

اللہ تعالیٰ آپ کوبھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالٰی آپ کو بھی جزائے خیر عطا کرے آمین