منفی پروپیگنڈا سے پولیو مہم متاثر

منفی پروپیگنڈا سے پولیو مہم متاثر


پنجاب میں محکمہ صحت کے حکام کا کہنا ہے کہ انسداد پولیو کی ویکسین کے خلاف مختلف ٹی وی شوز پر ہونے والے منفی پروپیگنڈاسے انسداد پولیو مہم کو نقصان پہنچا رہا ہے۔
یہ بات محکمہ صحت کے چند افسروں نے انسداد پولیو مہم کے حوالےسے لاہور کے میوہسپتال میں ایک مشترکہ پریس کانفرنس سے خطاب کرتے ہوئے کہی۔
میوہسپتال کے میڈیکل سپرنٹنڈنٹ ڈاکٹر زاہد پرویز نے کہاکہ مقامی میڈیا پر پولیو ویکسین کے بارے میں منفی پراپیگنڈے کا نتیجہ یہ نکل رہا ہے کہ لوگ اپنے بچوں کو قطرے پلوانے سے گریز کررہے ہیں جس سے انسداد پولیو کی مہم متاثر ہورہی ہے۔​