ممتاز شاعر احمد فراز کی حالت ’تشویشناک‘

ممتاز شاعر احمد فراز کی حالت ’تشویشناک‘

حسن مجتبی
بی بی سی اردو ڈاٹ کام، نیویارک

ممتاز شاعر احمد فراز تشویشناک حالت میں امریکہ کے ایک ہسپتال میں داخل ہیں۔
شکاگو سے احمد فراز کے معالج ڈاکٹر مرتضی آرائیں نے بی بی سی اردو ڈاٹ کام کو بتایا کہ احمد فراز کو دس روز قبل ایک مقامی ہسپتال کے انتہائي نگہداشت کے شعبے یا آئی سی یو میں داخل کرایا گیا تھا جہاں آٹھ سے دس ڈاکٹروں کی ٹیم انکا علاج کررہی ہے۔

ڈاکٹر مرتضی نے بتایا کہاکہ احمد فراز کو گردوں کے عارضے سمیت کئی امراض ہیں لیکن انکا فشار خون، اور دل کی حرکت کام کررہی ہے۔

ایک سوال کے جواب میں انہوں نے کہا ’اگرچہ ان کی حالت بدستور تشویشناک ہے لیکن انکی صحت کے متعلق اسوقت وہ مزید کچھ نہیں کہ سکتے۔‘

امریکہ کے معروف شاعر افتخار (افتی) نسیم نے جو شکاگو میں رہتے ہیں بی بی سی اردو ڈاٹ کام کو بتایا کہ احمد فراز کی حالت گذشتہ کئي دنوں سے بدستور تشویشناک ہے اور وہ انتائي نگہداشت کے شعبے میں داخل ہیں۔

افتخار نسیم نے بتایا کہ پاکستان سے انکے صاحبزادے شبلی فراز بھی انکی دیکھ بھال کیلیے شکاگو پہنچـے ہیں۔’

جمعرات کی صبح (امریکی سینٹرل وقت کے مطابق) پاکستانی سرکاری ٹی وی سے احمد فراز کے انتقال کی خبر نشر کی گئي تھی جسے بعد میں کچھ پاکستانی نجی چینلوں نے بھی چلایا تھا جو غلط ثابت ہوئی۔

احمد فراز کے صاحبزادے شبلی فراز اور انکے شاعر دوست افتخار نسیم نے عظیم شاعر فراز کے چاہنے والوں سے انکی صحت کیلیے دعائوں کی اپیل کی ہے۔

یاد رہے کہ چند روز قبل احمد فراز امریکہ میں پاکستانی نژاد ڈاکٹروں کی تنظیم ’اپنا‘ کے سالانہ کنونشن میں مشاعرے میں شرکت کے لیے واشنگٹن ڈی سی آئے تھے جہاں وہ گر پڑے تھے اور انکے گھٹنوں پر چوٹیں آئي تھیں۔

ان چوٹوں سے انہیں ابتدائی طور انفیکشن ہوگیا تھا اور پھر، افتی نسیم کے مطابق، شکاگو کے ایک ہسپتال میں انکو گردوں کے عارضے کیوجہ ڈائلیسس مشین پر رکھا گيا۔

 

اللہ خیر کرے اور فراز صاحب کو صحت و تندرستی عطا فرمائے۔ آمین

 

انا للہ وانا الیہ راجعون

اللہ تعالی مرحوم کی بخشش و مغفرت فرمائے۔ آمین

 

آمین
انا للہ وانا الیہ راجعون

 

مریم سیف صاحبہ آپ نے ایک ذندہ انسان کے انتقال کی خبر کس نیوز چینل سے سُنی؟؟؟

احمد فراز کی حالت’ کچھ بہتر‘

عصر حاضر کے ممتاز شاعر احمد فراز کے معالج نے کہا ہے کہ انکی حالت میں اب بہتری کی علامات ظاہر ہوئی ہیں-
وہ تشویشناک حالت میں شکاگو کے ایک ہسپتال میں زیر علاج ہیں۔

احمد فراز کے معالج ڈاکٹر مرتضی آرائيں نے جمعرات کو شام گئے شکاگو سے ٹیلیفون پر بی بی سی اردو ڈاٹ کام سے بات کرتے ہوئے کہا کہ احمد فراز کی یادداشت اور آنکھوں کی حرکت واپس آئی ہے اور وہ لوگوں کو پہچان رہے ہیں تاہم اس مرحلے پر یہ نہیں کہا جاسکتا کہ انکی حالت خطرے سے باہر ہے۔

احمد فراز کو دس روز قبل شکاگو کے ایک ہسپتال میں داخل کیا گیا تھا جہاں انہیں انتہائی نگہداشت کے شعبے میں رکھا گیا ہے-

احمد فراز کے صاحبزادے شبلی فراز بھی اپنے والد کی دیکھ بھال کیلیے پاکستان سے شکاگو پہنچ ہیں -

حکومت پاکستان کے زیر عتاب رہنے والے اس شاعر نے کچھ عرصہ قبل اپنا صدارتی اعزاز بلوچستان میں فوج کشی سمیت جنرل مشرف کی پالیسوں پر احتجاج کرتے ہوئے واپس کر دیا تھا۔ اس سے قبل احمد فراز کا سامان ان کی ریٹائرمینٹ پر انکی سرکاری رہائش گاہ سے باہر پھینک دیا گیا تھا اور وہ کئی ماہ نیویارک میں مقیم رہے تھے۔

ڈاکٹر مرتضی نے بتایا کہاکہ احمد فراز کو گردوں کے عارضے سمیت کئی امراض ہیں لیکن ان کا فشار خون، اور دل کی حرکت کام کررہی ہے۔

چند روز قبل احمد فراز امریکہ میں پاکستانی نژاد ڈاکٹروں کی تنظیم ’اپنا‘ کے سالانہ کنونشن میں مشاعرے میں شرکت کے لیے واشنگٹن ڈی سی آئے تھے جہاں وہ گر پڑے تھے اور انکے گھٹنوں پر چوٹیں آئي تھیں۔ ان چوٹوں سے انہیں ابتدائی طور انفیکشن ہوگیا تھا اور پھر شکاگو کے ایک ہسپتال میں ان کو گردوں کے عارضے کی وجہ سے ڈائلیسس مشین پر رکھا گيا تھا۔

اس خبر کا لنک

http://www.bbc.co.uk/urdu/pakistan/stor ... date.shtml

 

کوئی بات نہیں۔۔۔ کبھی کبھی جلد میں اس طرح سے غلطی بھی ہو جاتی ہے۔۔۔ امید ہے آئیندہ سے آپ تھوڑی سی احتیاط سے کام لیں گی۔۔۔ شکریہ۔۔۔

 

سرداروں کا ایک لطیفہ یاد آگیا۔ مریم جی سے معذرت کے ساتھ

سردار آفس میں تھا جبکہ اسکی بیوی"پریتو" ہسپتال میں داخل تھی۔ سردار کو اچانک بیوی کا ایس-ایم۔ایس آیا

"مبارک ہو ۔ تسی ابا بن گئے ہو"
آپکی "پریتو"

سردار نے خوشی کے مارے وہ خبر سب دوستوں کو پہنچانے کا سوچا۔ چنانچہ اس نے وہی ایس-ایم-ایس سب کو "فارورڈ" کردیا۔ :176: :201: :201: :201: :176:

 

مریم جی ۔ سوری۔ مجھے بہت پشیمانی ہوئی۔
پلیز معذرت قبول کیجئے۔

 

اللہ تعالی آپ کو معہ آپکے پیاروں کے خوش و خرم رکھے۔
اور پینگ سے اتار کر جلدی جلدی اگلے مراحلِ حیات طے کروائے :hands: :hands:

 

آمین۔ ثم آمین۔

 

:mashallah:
بلکہ انا للہ