ملا جو اذنِ حضوری پیام بر کے بغیر -- پروفیسر سیّد اقباؔل عظیم

صلی اللہ علیہ وآلہ وسلم
ملا جو اذنِ حضوریپیام بر کے بغیر
میں آگیا درِ اقدس پہ ہم سفر کے بغیر
​

وفورِ شوق نے یوں مری دستگیری کی
سفر تمام ہُوا زحمتِ سفر کے بغیر​

​

انہی کی چشمِ کرم کا یہ فیض ہے کہ نہیں
نظارہ مجھ کو ہُوا منتِ نظر کے بغیر​

​

ہر اک نفس میں سلام و درود کی خوشبو
ہر ایک گام سجدہ جبین و سر کے بغیر​

​

حریمِ قدس میں آنکھیں بھی باوضو پہنچیں
ہوئی نہ جراتِ اظہار چشمِ تر کے بغیر​

​

یہاں کی دھوپ میں ٹھنڈک ہے، ابرِ رحمت کی
میں زیرِ سایہ ہوں اور سایہِ شجر کے بغیر​

​

ہر ایک رات ہے اس شہر کی شبِ معراج
زمیں سے تابہ فلک چاندنی قمر کے بغیر​

​

یہاں کچھ اور ہے اندازِ گردشِ ایام
فضا ہے نور فشاں آمدِ سحر کے بغیر​

​

میں جانتا ہوں یہ نگری ہے میرے آقا کی
دعا یہاں سے پلٹتی نہیں اثر کے بغیر​

​

یہاں سے اٹھ کے میں اقباؔل کیسے گھر جاؤں
سکونِ قلب میسر ہے مجھ کو گھر کے بغیر
-------
پروفیسر سیّد اقباؔل عظیم​

 

اللہ تعالیٰ آپ کو بھی جزائے خیر عطا کرےآمین

 

حریمِ قدس میں آنکھیں بھی باوضو پہنچیں
ہوئی نہ جراتِ اظہار چشمِ تر کے بغیر
​

 

میں جانتا ہوں یہ نگری ہے میرے آقاﷺ کی
دعا یہاں سے پلٹتی نہیں اثر کے بغیر​

 

یہاں سے اٹھ کے میں اقباؔل کیسے گھر جاؤں
سکونِ قلب میسر ہے مجھ کو گھر کے بغیر​

 

بہت خوب سبحان اللہ -جزاک اللہ

 

اللہ تعالیٰ آپ کو بھی جزائے خیر عطا کرےآمین

 

اللہ تعالیٰ آپ کو بھی جزائے خیر عطا کرےآمین