مقتدر عہدوں پر زیادہ خواتین ہوں تو دنیا رہنے کیلئے بہترین جگہ بن جائے، صدر زرداری

مقتدر عہدوں پر زیادہ خواتین ہوں تو دنیا رہنے کیلئے بہترین جگہ بن جائے، صدر زرداری


اسلام آباد(ایجنسیاں) صدر مملکت آصف علی زرداری نے کہا ہے کہ ملک میں بہت جلد خواتین کو مساوی حقوق حاصل ہونگے، مقتدر عہدوں پر زیادہ خواتین ہوں تو دنیا رہنے کیلئے بہترین جگہ بن جائے گی، خواتین کو تمام شعبہ ہائے زندگی میں مردوں کے شانہ بشانہ کام کرنے کا موقع فراہم کرنے اور مساوی حقوق کو یقینی بنانے کا پختہ ارادہ رکھتے ہیں۔انہوں نے کہا کہ خواتین کے خلاف امتیازی قوانین کے خاتمے کیلئے پرعزم ہیں۔ انہوں نے یہ بات بدھ کو ایوان صدر میں خواتین ارکان پارلیمنٹ کے اعزاز میں ظہرانے سے خطاب کرتے ہوئے کہی۔ جس میں چیئرمین سینیٹ فاروق ایچ نائیک، اسپیکر قومی اسمبلی ڈاکٹر فہمیدہ مرزا، وفاقی وزراء، خواتین ارکان پارلیمنٹ اور مختلف ممالک سے تعلق رکھنے والی خواتین ارکان پارلیمنٹ نے بڑی تعداد میں شرکت کی۔ صدر آصف زرداری نے اس ضمن میں سابق وزیراعظم شہید بینظیر بھٹو کی خدمات کو خراج عقیدت پیش کرتے ہوئے کہا کہ انہوں نے ترقی نسواں اور انہیں اقتصادی، سماجی اور سیاسی لحاظ سے بااختیار بنانے کیلئے دور رس اور تاریخی اقدامات اٹھائے۔ صدر نے کہا کہ ہم اس بات کو یقینی بنانے کا پختہ عزم رکھتے ہیں کہ تمام خواتین مردوں کے شانہ بشانہ کام کریں، ان کو تمام حقوق حاصل ہوں۔ قبل ازیں ا سپیکر قومی اسمبلی ڈاکٹر فہمیدہ مرزا نے ظہرانے سے خطاب کرتے ہوئے کہا کہ موجودہ حکومت نے اقتصادی، سماجی اور سیاسی میدان میں خواتین کو بااختیار بنانے کیلئے متعدد اقدامات اٹھائے ہیں۔


جنگ نیوز ۔

 

جواب: مقتدر عہدوں پر زیادہ خواتین ہوں تو دنیا رہنے کیلئے بہترین جگہ بن جائے، صدر زردا

ماشاءاللہ ۔ اچھا سوچ رھے ھیں زرداری بھی

 

جواب: مقتدر عہدوں پر زیادہ خواتین ہوں تو دنیا رہنے کیلئے بہترین جگہ بن جائے، صدر زردا

لیکن ھمارے معاشرے کی سوچ ابھی اس سطح کی نھیں‌کہ اس طرح کے کام قبول کر لیں۔ ۔
بھر حال ۔ ۔ ۔ اگر خواتین شرعی حدود کر رعایت کرتے ھوے بڑے عھدوں پر فائز ھوں‌تو کوئ مضائقہ نھیں۔

 

جواب: مقتدر عہدوں پر زیادہ خواتین ہوں تو دنیا رہنے کیلئے بہترین جگہ بن جائے، صدر زردا

جس قوم کی عورتیں حکمران ھو وہ کبھی بھی ترقی نہیں کر سکتی ۔

 

جواب: مقتدر عہدوں پر زیادہ خواتین ہوں تو دنیا رہنے کیلئے بہترین جگہ بن جائے، صدر زردا

زرداری تو اپنی وائف سے آزاد ہیں کچھ بھی کہہ سکتے ہیں ۔۔۔۔۔۔۔۔۔۔۔۔۔۔۔۔۔۔۔۔۔۔

 

جواب: مقتدر عہدوں پر زیادہ خواتین ہوں تو دنیا رہنے کیلئے بہترین جگہ بن جائے، صدر زردا

زرداری اگر اپنے دعوی میں سچے ہیں تو سب سے پہلے اپنی کرسی اور اپنے وزیراعظم کی کرسی کسی خاتون کے لیے چھوڑ دیں۔ _point: