مقابلہ برائے ملی نغمہ

السلام علیکم

اگر چہ تیرا آج لہو رنگ ہے مگر
میں تیرا کل تو سنوار سکتا ہوں
اک عمر کیا میں ہزار عمریں آصف
تیرے سبز ہلالی پہ وار سکتا ہوں

ماہ اگست آ چکا ہے ، ماہ اگست کے ساتھ ماہ صیام بھی اپنی رحمتیں لیے ہم پر سایہ فگن ہے ، وطینیت ایک مسلمہ حقیقت ہے اور ہر انسان چاہے وہ کیسا بھی کیوں نہ ہو ، اس کے سینے میں اپنے وطن سے محبت کا ایک میٹھا اور ٹھنڈا ٹھار چشمہ ہمیشہ ابلتا ہی رہتا ہے ، کچھ لوگ اس کا اظہار بابانگ دہل کرتے ہیں اور کچھ اندر ہی اندر سیراب ہوتے رہتے ہیں ۔
آئیے آج ہم بھی اپنے وطن سے اپنی محبت کا اظہار کرتے ہیں ، اپنے وطن سے اظہار محبت کے لیے کوئی محبت بھری نظم ، یا کوئی چاہت بھرا ملی نغمہ اپنے وطن کے نام کیجئے ۔ آپ یہاں 10 اگست تک اپنی پسند کی شاعری ارسال کر سکتے ہیں اس کے بعد آپ سب کے سامنے رائے شماری کا آپشن رکھا جائے گا آپ لوگ اپنے ووٹس کے زریعے بہتر اور زیادہ بہتر ملی شاعری ( نظم یا نغمہ ) کا انتخاب کرینگے جو کہ 11 اگست سے 14 اگست تک ہو گی جس کے بعد 14 اگست کو نتائج کا اعلان کیا جائے گا ۔ یاد رہے یہ مقابلہ بہتر اور زیادہ بہتر کے درمیان ہے ۔


ایک گزارش یہ بھی کرنی تھی کہ کوشش کریں کہ غیر ضروری تبصروں کو اس لڑی کا حصہ نہ بنایا جائے کہ اس سے اس لڑی کا مقصد فوت ہو جائے گا ۔ شکریہ ۔​

 

جواب: مقابلہ برائے ملی نغمہ

سوہنی دھرتی اللہ رکھے

سوہنی دھرتی اللہ رکھے قدم قدم آباد تجھے
سوہنی دھرتی اللہ رکھے قدم قدم آباد تجھے

تیرا ہر اک ذرہ ہم کو اپنی جان سے پیارا
تیرے دم سے شان ہماری تجھ سے نام ہمارا
جب تک ہے یہ دنیا باقی ہم دیکھیں آزاد تجھے
سوہنی دھرتی اللہ رکھے قدم قدم آباد تجھے

دھڑکن دھڑکن پیار ہے تیرا قدم قدم پر گیت رے
بستی بستی تیرا چرچا نگر نگر ہے میت رے
جب تک ہے یہ دنیا باقی ہم دیکھیں آزاد تجھے
سوہنی دھرتی اللہ رکھے قدم قدم آباد تجھے

تیری پیاری سج دھج کی ہم اتنی شان بڑھائیں
آنے والی نسلیں تیری عظمت کے گن گائیں
جب تک ہے یہ دنیا باقی ہم دیکھیں آزاد تجھے
سوہنی دھرتی اللہ رکھے قدم قدم آباد تجھے

سوہنی دھرتی اللہ رکھے قدم قدم آباد تجھے ​

 

جواب: مقابلہ برائے ملی نغمہ

ایس کاشف صاحب بہت خوب مگر کچھ الفاظ غلط لکھے ہوئے ہیں اور نغمہ بھی مکمل نہیں ہے۔ آپ کے لیے مکمل نغمہ دوبارہ پوسٹ کر رہا ہوں۔ درستگی کر لیں۔

اے میرے پیارے وطن
اے وطن پیارے وطن

تجھ سے ہے میری تمناؤں کی دنیا پرنُور
عزم میرا ہے قوی، میرے ارادے ہیں غیور
میری ہستی میں انا ہے، میری مستی میں شعور
جاں فزا میرا تخیل ہے تو شیریں ہے سخن
اے میرے پیارے وطن

تو دل افروز بہاروں کا تر و تازہ چمن
تو مہکتے ہوئے پھولوں کا سہانا گلشن
تو نواریز انادل کا بہاریں مسکن
رنگ و آہنگ سے معمور ترے کوہ و دمن
اے میرے پیارے وطن

میرا دل تیری محبت کا ہے جاں بخش دیار
میرا سینہ تیری حُرمت کا ہے سنگین حصار
میرے محبوب وطن تجھ پہ اگر جاں ہو نثار
میں یہ سمجھوں گا ٹھکانے لگا سرمایئہ تن
اے میرے پیارے وطن

اے وطن، پیارے وطن، پاک وطن، پاک وطن
اے میرے پیارے وطن

 

جواب: مقابلہ برائے ملی نغمہ

یہ وطن تمہارا ہے ، تم ہو پاسباں اس کے
یہ چمن تمہارا ہے ، تم ہو نغمہ خواں اس کے

اس چمن کے پھولوں پر رنگ و آب تم سے ہے
اس زمیں کا ہر ذرہ ، آفتاب تم سے ہے
یہ فضا تمہاری ہے ، بحرو بر تمہارے ہیں
کہکشاں کے یہ جادے رہگذر تمہارے ہیں

اس زمیں کی مٹی میں خون ہے شہیدوں کا
ارض پاک مرکز ہے قوم کی امیدوں کا
نظم و ضبط کو اپنا میر کارواں جانو
وقت کے اندھیروں میں اپنا آپ پہچانو

یہ زمیں مقدس ہے ماں کے پیار کی صورت
اس چمن میں تم سب ہو برگ و بار
دیکھنا گنوانا مت دولت یقیں لوگو
یہ وطن امانت ہے اور تم امیں لوگو

میر کارواں ہم تھے، روح کارواں تم ہو
ہم تو صرف عنواں تھے ، اصل داستاں تم ہو
نفرتوں کے دروازے خود پہ بند ہی رکھنا
اس وطن کے پرچم کو سربلند ہی رکھنا

یہ وطن تمہارا ہے ، تم ہو پاسباں اس کے
یہ چمن تمہارا ہے تم ہو نغمہ خواں اس کے

یہ وطن ہمارا ہے
ہم ہیں پاسباں اس کے

یہ وطن ہمارا ہے
ہم ہیں نغمہ خواں اس کے​

 

جواب: مقابلہ برائے ملی نغمہ

پتا نہیں بہر حال میں تو کر رہا ہوں :warzish:

http://www.youtube.com/watch?v=NLt8wj_D-C0

 

جواب: مقابلہ برائے ملی نغمہ

اے پاک وطن میری پاک زمین
تو ہی میرا درماں تو ہی یقین

تیری آغوش میری اسلاف امین
تو میرا مکاں میں ہوں تیرا مکین

تیرے چمن میں ہیں ہم گوشہ نشین
میں دلبر تیرا تو میری نازنین

بے کسوں کو بھی ہےتو مکاں ومکین
جہان چمن میں ہے تو گل حسین
​

 

جواب: مقابلہ برائے ملی نغمہ

تمام معزز مبصرین سے گزارش ہے کہ برائے مہربانی اس لڑی میں غیر ضروری تبصروں سے گریز کریں کیونکہ اس سے لڑی کی افادیت ختم ہو رہی ہے اور مجبورا مجھے ایسے تبصرے حذف کرنے پڑینگے کہ جو میں نہیں کرنا چاہتا ۔ برائے مہربانی اس لڑی کی ابتدا میں موجود میری گزارش پر غور کیا جائے ۔ شکریہ ۔​

 

جواب: مقابلہ برائے ملی نغمہ

السلام علیکم
آج سے اس لڑی میں آپ سب کے سامنے رائے شماری کا آپشن رکھا جا رہا ہے برائے مہربانی اب اس لڑی میں مزید کوئی پوسٹ نہ کی جائے اور آپ لوگ اپنے ووٹس کے زریعے بہتر اور زیادہ بہتر ملی شاعری ( نظم یا نغمہ ) کا انتخاب کرینگے جو کہ 11 اگست سے 14 اگست تک ہو گی جس کے بعد 14 اگست کو نتائج کا اعلان کیا جائے گا ۔ یاد رہے یہ مقابلہ بہتر اور زیادہ بہتر کے درمیان ہے ۔
آصف احمد بھٹی​

 

جواب: مقابلہ برائے ملی نغمہ

السلام علیکم
جیسا کہ آپ سب دوست جانتے ہیں کہ ہماری یہ کوشش دراصل اپنے وطن سے محبت اور عقیدت کا اظہار پیش کرنے کے لیے تھی ، بہتر اور کم بہتر کی بات تو محض دلچسپی پیدا کرنے کے لیے تھی ، آپ سب کا شکریہ کہ جنہوں نے اپنا پسندیدہ ملی نغمے ارسال کیے اور آپ سب کا بھی شکریہ کہ جنہوں نے رائے شماری میں حصہ لیا ۔
رائے شماری کے حساب و کتاب سے تو ہماری بہت ہی معزز صارفہ سارا کے ارسال کردہ کلام کو دوستوں نے زیادہ پسند کیا ، پھر نعیم بھائی اور بلال کے ارسال کردہ ملی نغمہ جات کو برابر ووٹ ملے ہیں اور وہ دونوں ‌بل ترتیب دوسرے اور تیسرے نمبر پر ہیں ، باقی دوستوں کی کوشش کو بھی سراہا گیا ہے ، امید ہے آپ سب یونہی ہمیشہ اپنے خلوص کا اظہار کرتے رہینگے ۔
آیئے ہم سب مل کر اپنے تینوں دوستوں کو مبارک باد دیتے ہیں ۔

سارا آپ کو بہت بہت مبارک ہو ۔
نعیم بھائی ؃آپ کو بہت بہت مبارک ہو ۔
بلال بھائی آپ کو بہت بہت مبارک ہو ۔

آصف احمد بھٹی​