معلوم ہے کسی کو نہ رفعت رسول کی ۔ ابرار احمد

معلوم ہے کسی کو نہ رفعت رسول کی
اللّٰہ جانتا ہے حقیقت رسول کی

ممکن نہیں چمن میں کوئ پھول کھل سکے
جب تک ملے نہ بارشِ رحمت رسول کی

ہر لمحہ زندگانی کا صدقہ انہیں کا ہے
ہر سانس کو مری ہے ضرورت رسول کی

چاہت ملائکہ کو سلامی کی ہے جہاں
رشکِ جناں ہے پاک وہ تربت رسول کی

باغِ جناں بھی نظروں کو جچتا نہیں مرے
دل میں اتر گئ ہے جو صورت رسول کی

کوثر خدائے پاک نے بخشا ہے اس لئے
پیاسی رہے نہ حشر میں امت رسول کی

مشکل ہزار سامنے ابرار ہو مگر
چھوٹے کبھی نہ تجھ سے اطاعت رسول کی

ابرار احمد
سمستی پور​

 

اللہ تعالیٰ آپ کو بھی جزائے خیر عطا کرے آمین