مطلع و مقطع

السلام علیکم
ایک نیا سلسلہ شروع کرتے ہیں۔ غزل اردوشاعری کی ایک خوبصورت صنف ہے۔ اور مطلع و مقطع غزل کا لازمی جزو ہے۔ اکثر غزل میں مطلع اور مقطع حاصلِ کلام ہوتے ہیں۔ اور اکثر مشہورہوتے ہیں اور غزل یا شاعر کی پہچان بھی بنتے ہیں۔ یہاں ہم کسی بھی اچھی غزل کا مطلع اور مقطع لکھیں گے۔ کوشش کریں گے کہ شاعر کا نام بھی لکھیں حالانکہ مقطع میں شاعر کا تخلص موجود ہوتا ہے لیکن پھر بھی بہتر ہو گا کہ پورا نام بھی لکھ دیا جائے۔
پہلا مطلع و مقطع میری طرف سے پیش خدمت ہے ۔

نیتِ شوق بھر نہ جائے کہیں
تو بھی دل سے اتر نہ جائے کہیں
٭
آؤ کچھ دیر رو ہی لیں ناصر
پھر یہ دریا اتر نہ جائے کہیں
ناصر کاظمی


واصف حسین ، ارشین بخاری ، سین ، حریم خان ، غوری ، ھارون رشید ، عمر خیام ، نظام الدین ، آصف احمد بھٹی ، نعیم​

 

میرے ساقی یہ تماشا تیرے میخانے کا
ساری محفل کو نشہ ایک ہی پیمانے کا

وہ بہار آئی نصیر اور وہ اٹھے بادل
بات ساغر کی چلے ذکر ہو میخانے کا

پیر نصیر الدین نصیر رح ​

 

ہونٹوں پہ کبھی ان کے میرا نام ہی آئے
آئے تو سہی بر سرِ الزام ہی آئے

باقی نہ رہے ساکھ ادا دشتِ جنوں کی
دل میں اگر اندیشہ انجام ہی آئے

ادا جعفری

 

میں رو رو کے آہ کروں گا جہاں رہے نہ رہے
زمیں رہے نہ رہے آسماں رہے نہ رہے

امیر جمع ہیں احباب دردِ دل کہ لے
پھر التفات دلِ دوستاں رہے نہ رہے
امیر مینائی​

 

یہ سب ظہورِ شانِ حقیقت بشر میں ہے
جو کچھ نہاں تھا تخم میں، پیدا شجر میں ہے

خنجر چلے کسی پہ تڑپتے ہیں ہم امیر
سارے جہاں کا درد ہمارے جگر میں ہے
امیر مینائی​

 

نازِ بیگانگی میں کیا کچھ تھا
حسن کی سادگی میں کیا کچھ تھا

رات بھر ہم نہ سو سکے ناصر
پردۂ خامشی میں کیا کچھ تھا

ناصر کاظمی

 

تسکیں کو ہم نہ روئیں، جو ذوقِ نظر ملے
حورانِ خلد میں تری صورت مگر ملے

اے ساکنانِ کوچۂ دلدار! دیکھنا
تم کو کہیں جو غالبؔ آشفتہ سر ملے