مصری عدالت نے محمد مرسی کی حامی 21 خواتین کو گیارہ سال قید کی سزا سنادی

قاہرہ…مصر میں ایک عدالت نے معزول صدر محمد مرسی کی 21 حامی خواتین کو گیارہ سال قید کی سزا سنادی ہے۔ان خواتین کو مختلف جرائم میں قصوروار ٹہرایا گیا ہے جن میں دہشت گرد تنظیم کا رکن ہونا، ٹریفک روکنا اورا سکندریہ میں احتجاجی مظاہرے میں طاقت کا استعمال شامل ہیں۔ سزا پانے والی خواتین میں سات کی عمر 18 سال سے کم ہے اس لیے انہیں بچوں کی جیل میں بھیجا جائے گا۔عدالت نے اخوان المسلمون کے چھ رہنماوٴں کو بھی ،مظاہروں میں فساد پر اکسانے کے جرم میں پندرہ سال قید کی سزا سنائی ہے۔اِن افراد پر اْن کی عدم موجودگی میں مقدمہ چلایا گیا۔سرکاری میڈیا کے مطابق صدر مرسی کی جماعت کے 17 مذہبی رہنماوٴں کو غربیہ کے قصبے سے گرفتار کیا گیا ہے۔
http://beta.jang.com.pk/JangDetail.aspx?ID=128165