مسلمان اور حصول علم سے غفلت

ابو ریحان محمد بن احمد البیرونی وہ عظیم سائنسدان جسے دنیا ایک عظیم ماہر فلکیات، ماہر ارضیات، ماہرطبیعات، طبیب، ریاضی دان، جغرافیہ دان، تاریخ دان اور سیاح کی حیثیت سے جانتی ہے۔اسے کئی زبانوں پر عبور حاصل تھا۔اس نے زمین کا طول بلد اور عرض بلد دریافت کیا۔ وہ ہندوستان بھی آٓیا اور اس خطے کے متعلق اپنی عظیم تصنیف "کتاب الہند" تحریر کی۔
البیرونی اپنی زندگی کے آخری لمحات میں بھی حصولِ علم کے لئے کس قدر کوشاں تھا۔ اسکی ایک مثال ملاحظہ فرمائیے ۔
مرض الموت میں البیرونی بستر پر لیٹا زندگی کی آخری سانسیں لے رہاتھا۔ اس کے پاس اسی محلے سے نامور عالم دین تیمارداری کے لئے آئے۔ البیرونی نے بستر پر لیٹے لیٹے سلام دعا کی اور اچانک ایک شرعی مسئلہ دریافت کیا۔ عالم دین نے حیران ہوکر عرض کی : "جناب اب آپ مسئلہ دریافت کر کے کیا کریں گے۔ (کیونکہ انکا وقت قریب تھا)۔ "
البیرونی نے جواب دیا : "کیا آ پ چاہتے ہیں کہ میں جاہل حالت میں اپنے رب کے حضور پیش ہوں۔ ؟"
عالم دین لاجواب ہوگئے ۔ انہوں نے مسئلہ بتایا اور رخصت ہوئے۔ ابھی وہ ا لبیرونی کے گھر سے چند قدم ہی دور گئے تھے کہ البیرونی اپنے خالق حقیقی سے جا ملا۔

ہم وہ امت ہیں کہ جن کے عظیم نبی آخر الزماں سیدنا محمد مصطفیٰ :saw: پر پہلی وحی ہی " اقراء بسم ربک الذی خلق " کا پیغامِ علم لے کر اتری ۔ خود نبی مکرم :saw: نے درجنوں احادیث میں حصول علم کی نہ ترغیب دی بلکہ ہر مسلمان مرد و عورت پر فرض قرار دیا۔
مگر افسوس کہ آج ہم مجموعی طور پر علم و ٹیکنالوجی کے میدان میں اقوام عالم سے انتہائی پیچھے ہیں۔ اول تو بجٹ میں تعلیم پر چند فیصد سے زیادہ رقم مختص نہیں کی جاتی اور جو آٹے میں نمک کے برابر رقم مختص بھی ہو۔ وہ بھی فی الحقیقت تعلیمی اداروں کےذریعے قوم تک مکمل طور پر نہیں پہنچ پاتی ۔ غربت، افلاس اور بھوک نے عام آدمی کے لیے اعلی و معیاری تعلیم کا حصول صرف ایک خواب بنا کے رکھ دیا ہے۔ سینکڑوں ہزاروں بچے ، سکول جانے کی عمر میں ، آٹو ورکشاپس، چائے خانوں میں‌بیرا گیری، یا پھر سڑکوں پر بھکاری بننے پر مجبور ہیں۔

آئیے ! تعلیمی انقلاب کے لیے اجتماعی کوشش کریں۔ جن لوگوں کو اللہ تعالی نے توفیق دی ہے وہ کسی نہ کسی مخلص تنظیم، سکول، فرض شناس پاکستانی کو بساط بھر مدد کرکے چند بچوں کے حصول علم کا ذریعہ ضرور بنیں۔

والسلام علیکم

 

نعیم بھائی ۔
آپ نے درست کہا کہ ہم اپنی تاریخ پر فخر تو بہت کرتے ہیں لیکن اس سے سبق سیکھ کر عمل کی کوشش نہیں کرتے۔

 

محبوب خان بھائی ، وسیم بھائی اور بزم خیال بھائی ۔
پسندیدگی اور حوصلہ افزائی کا شکریہ ۔
یہ سب تو مشترکہ درد دل ہے۔ جسے یہاں بانٹ کر دل کا بوجھ ہلکا کر لیتے ہیں۔
وگرنہ پاکستان کے نظام تعلیم میں‌علم کہاں ہے؟ کے موضوع پر تو شاید پوری تاریخ لکھی جاسکتی ہے۔

 

بزم خیال بھائی ۔ آپ نے بہت خوب تجزیہ کیا ۔ واقعی حقیقت یہی ہوچکی ہے۔
اور آپ نے اپنی آخری سطر میں بہت بڑا سوال چھوڑ دیا ہے۔ اگر ہم اسی "کوا چلا ہنس کی چال " کے مصداق آگے بڑھتے رہے تو ہماری اگلی چند نسلوں کا کیا حشر ہوگا۔

 

دردمندانہ تحریر ہے جس میں وقت کے اہم تقاضے کے بارے میں ذکر کیا گیا ہے۔
جزاک اللہ ۔

 

آپ سب بہن بھائیوں کا بہت شکریہ ۔
انشاءاللہ قطرے سے قطرہ ملتا رہا تو ایک دن یہ طغیانِ دریا ضرور بنے گا۔

 

تعلیم بہت ضروری ھے اس میں کوئی شک نہیں، مگر تعلیم کے ساتھ جس چیز کی ضرورت ہوتی ھے وہ ھے تربیت ، تربیت کے بنا آپ محض تعلیم سے ایٹم بم تو شاید بنا سکتے ھیں اچھا معاشرہ قائم نہیں‌ کر سکتے
جن سوٹ بوٹ والوں کا ذکر خیال جی کر رھے ھیں یہ تعلیم یافتہ تو ہوں گے مگر تربیت سے کوسوں دور
اسلام نے اگر تعلیم پہ زور دیا ھے تو کئی زیادہ زور تربیت بھی دیا ھے لاتعداد حدیثیں ملیں گے‌آپ کو اس
پہ ، مگر ہمیں‌غرض ھے تو صرف ڈگریوں سے،

 

آپ نے بھی بہت فکر انگیز باتیں بتائی۔ بہت شکریہ ۔

 

السلام علیکم

مادیت پرستی کا دور ہے ۔ مشینی سی زندگی ہے۔ ہر سانس ، ہر حرکت، ہر کاوش کا مقصد و مدعا فقط پیسہ بنانا ہی رہ گیا ہے۔ الا ماشاءاللہ ۔ اس لیے علم کا مقصد بھی فقط پیسہ کمانا ہی ٹھہر گیا۔ حالانکہ " اقراء بسم ربک الذی خلق" کے پہلے فرمانِ الہی نے " پڑھو ! اپنے رب کے نام سے ، جس نے تخلیق فرمائی " کے مختصر جملے میں تین اہم ترین احکامات واضح فرما دیے۔۔۔
نمبر 1 ۔۔ پڑھنا ۔ علم حاصل کرنا
نمبر 2 ۔۔ مقصد علم = رب کے نام کی پہچان (عرفانِ الہی )
نمبر 3 ۔۔ تخلیق = رب کی شانِ خالقیت ، یعنی جو جو مخلوق ہے، خود انسان کی اپنی ذات سے لے کر نبادات، جمادات، کائنات اور مافوق الکائنات یعنی جو جو تخلیقِ الہی ہے اس کو جاننا ۔

تاریخ اسلام گواہ ہے کہ جب تک ہم نے ان تین مقاصد کے لیے حصولِ علم کی جدوجہد جاری رکھی ۔ ہم دنیا میں کامیاب و کامران رہے ۔ دنیائے سائنس سے لے کر دنیائے روحانیت تک مسلمانوں کی حکمرانی رہی ۔ اور جب ہم ان مقاصد سے دور ہوگئے، ہمارے پاس ڈگری یافتہ ماسٹرز، ڈاکٹرز، مولانا حضرات تو رہ گئے ۔ لیکن صاحبانِ دانش، صاحبانِ حکمت، صاحبانِ روحانیت اور صاحبانِ عرفان کم ہوتے چلے گئے ۔ (الا ماشاءاللہ ) ۔

اللہ تعالی ہمیں علم نافع اور عملِ صالح کی جستجو عطا فرمائے۔ آمین

 

السلام علیکم۔ ایک اور اہم مضمون پڑھنے کو مل گیا ۔ جزاک اللہ ۔

 

وعلیکم السلام برادر بھائی ۔ دعاؤں کے لیے شکریہ ۔
آج کل آپ کم نظر آتے ہیں ۔ براہ مہربانی ذرا اپنے علمی وفکری مراسلات سے مستفیض ہونے کا موقع دیتے رہا کریں۔ شکریہ

 

السلام علیکم بزم خیال بھائی ۔ جزاک اللہ ۔