مسقط سے لاہور پہنچنے پر گرفتارہونیوالے پاکستانی شوہر کی بے وفا بیوی کی انوکھی سازش کا ڈراپ سین ہوگیا

لاہور( مانیٹرنگ ڈیسک ) مسقط سے لاہورپہنچنے پر ایئرپورٹ سے گرفتار ہونیوالے شخص کی کہانی کا ڈراپ سین ہوگیا ہے اوروہ کوئی مشکوک نہیں بلکہ مسافر کی اپنی بیوی نے ہی آشنا کے ساتھ مل کر اُسے دہشتگردی کے مقدمے میں پھنسانے کی کوشش کی ۔
ایئرپورٹ ذرائع کے مطابق لاہور کے علاقے حسنین آباد کی رہائشی خاتون سونیا نے رات گئے پولیس اور ایئرپورٹ حکام کو فون پر اطلاع دی کہ علی الصبح مسقط سے نجی ائیرلائن کے ذریعے آنے والا مسافر دلدار شاہ لاہور ایئرپورٹ پہنچنے پر خود کو دھماکے سے اڑا لے گا جس کے بعد ایئرپورٹ سیکیورٹی فورس اور حساس اداروں کے اہلکار دہشتگرد کی گرفتاری کیلئے الرٹ ہوگئے۔
شاہین ایئرلائن کی مسقط سے لاہور پہنچنے پرواز 769 کو حج ٹرمینل پر لینڈنگ کی ہدایت کی گئی جس کے بعد اے ایس ایف کے اہل کاروں اور کمانڈوز نے طیارے کو گھیرے میں لےنے کے بعدآپریشن کا آغاز کر دیا، طیارے کی انتظامیہ کی جانب سے کلیئر سگنل ملنے کے بعد کمانڈوز طیارے میں داخل ہوئے اور مشتبہ شخص کو گرفتار کرلیالیکن کوئی بھی مشکوک چیز برآمد نہ ہوسکی۔
دوسری طرف طیارے کی لینڈنگ سے قبل ہی پولیس نے خفیہ اطلاع دینے والی دلدار شاہ کی بیوی سونیا کو حراست میں لے لیا تھا تاہم تفتیش کے بعد سونیا نے بتایا کہ اس نے ہمسائے کاشف کے ساتھ مل کر اپنے شوہر کو پھنسانے کا منصوبہ بنایا اور رات گئے اپنے دیور شاہنواز کا موبائل فون چرایا جس کے ذریعے پولیس اور ایئرپورٹ حکام کو دہشتگرد کی آمد کی اطلاع کی۔
بیوی کے اعتراف جرم اور تحریری معافی نامہ جمع کرانے کے بعد ایئرپورٹ انتظمیہ نے مسافر کو جانے کی اجازت دیدی ۔
ایئرپورٹ ذرائع نے بتایا کہ دوران پروازدلدار شاہ کی ساتھی مسافروں سے تلخ کلامی کی اطلاع پائلٹ نے کنٹرول ٹاور کو بھی دی جس کے بعد شک یقین میں بدلنے لگاتھا۔
طیارے میں سوار مسافروں کا کہنا تھا کہ دوران پرواز مشکوک شخص کی کئی مسافروں سے تلخ کلامی ہوئی اور اس کے چہرے پر پریشانی واضح تھی تاہم لاہور ایئرپورٹ پہنچنے پر وہ کچھ زیادہ ہی مشتعل ہوگیا تھا۔
واضح رہے کہ مسیحی خاندان سے تعلق رکھنے والا 40 سالہ دلدار شاہ تین سال قبل ہی محنت مزدوری کے لئے مسقط گیا تھا جس کے بعد اس کی بیوی سونیا نے ہمسائے کاشف کے ساتھ تعلقات استوار کر لئے تھے اور دلدار شاہ کی واپسی پر اسے پھنسانے کا بڑا منصوبہ بنایا تھا۔
واضح رہے کہ کراچی ایئرپورٹ پر دہشتگردوں کے حملے کے بعد ملک بھر میں ایئرپورٹ سیکیورٹی ہائی الرٹ کردی گئی ہے۔
http://dailypakistan.com.pk/national/08-Jul-2014/120841

 

ہے کھوتے دی کھر

 

ہائیں

 

ایسی حرکتیں بزدل اور بے حس لوگ کرتے ہیں جناب