مرے دل میں یا رب ہو تیرا بسیرا----برائے اصلاح

شکیل احمد خان
محمد سعد سعدی
---------------
مرے دل میں یا رب ہو تیرا بسیرا
جہاں بھی میں جاؤں کروں ذکر تیرا
----------
اگر دل ہو روشن محبّت سے تیری
وہاں رہ نہ پائے گا کوئی اندھیرا
------------------------
مجھے دین و دنیا کی دولت عطا ہو
تُو کر فضل مجھ پر میں بندہ ہوں تیرا
----------
ترے پاس آنے پہ راضی ہوں ہر دم
مرا اس جہاں میں نہیں کچھ بکھیرا
------------
مرا کچھ تعلّق بنے تجھ سے ایسا
کہے تُو جہاں سے یہ بندہ ہے میرا
---------------یا
زمانہ یہ سمجھے میں بندہ ہوں تیرا
------------
مرے دل کی دنیا کو ایسے بدل دے
ہو محسوس مجھ کو نیا اک سویرا
---------------
مری مشکلوں کو تُو آسان کر دے
مسائل نے چاروں طرف سے ہے گھیرا
------------
ترے آسرے پر ہی ارشد ہے جیتا
سہارا ہے اس کو فقط ایک تیرا

 

مرے دل میں یارب ہو تیرا بسیرا
زباں پر ہمیشہ رہے ذکر تیرا

 

مرا دل ہو روشن محبت سے تیری۔۔۔۔۔۔۔۔۔۔۔۔۔۔۔۔۔۔۔۔محبت ۔سے تیری۔ مرا دل ہو روشن
ہو تیرے کرم سے نہ اس میں اندھیرا۔۔۔۔۔۔۔۔۔۔۔۔۔۔۔۔۔کرم سے ترے ہو نہ اس میں اندھیرا

 

عطا دوجہاں کی مجھے نعمتیں کر
رہے فضل مجھ پر میں بندہ ہوں تیرا

 

ترے پاس آنا ہے مجھ کوبھی یارب
سفر یہ تو آسان کردینا میرا

 

تری بندگی سے رہے کام مجھ کو
وہ دل کر عطا جس میں جلوہ ہو تیرا۔۔۔۔۔۔۔۔۔۔(ابھی اِس شعر میں دولختی کی کیفیت پائی جاتی ہے مگر غورو خوض کا سلسلہ بھی جاری ہے)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔تری بندگی ۔سے ر۔ہے کام مجھ کو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مرے دل پہ قبضہ رہے صرف تیرا۔۔۔۔۔۔۔(مزا نہیں آیا)۔۔۔۔(اور ۔۔۔۔۔اصل میں تو یہ لفظ مزہ ہے ۔شاعری میں قوافی کے تعاقب نے اِسے یہ راہ دکھائی ۔۔۔۔۔مثالیں:قضا۔۔۔رضا۔۔۔مزا)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔÷÷÷÷
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔تری بندگی میں بسر زندگی ہو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بغاوت سے دامن رہے پاک میرا۔۔۔۔۔۔۔(قدرے بہتر مگر یہاں تمردزیادہ موزوں لفظ تھا ولیکن بحر معترض ہے۔۔۔اشعار میں اوپر تلے میرا قافیہ بھی جچ نہیں رہا)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔تری بندگی میں بسر زندگی ہو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔تمرد سے یہ دل رہے پاک میرا۔۔۔۔۔۔۔۔۔۔۔۔۔۔۔۔(ٹھیک مگر متعدد اشعار میں دل کی تکرار؟)
تحقیق و تفحص نے بتایا لفظ تمرد بحرسے بالکل متصادم نہیں اِسے برت لیجیے۔چنانچہ شعر یہی بہتر ہے:
۔۔۔۔۔۔۔۔۔۔۔۔۔۔۔۔۔۔۔۔۔۔تری بندگی میں بسر زندگی ہو
۔۔۔۔۔۔۔۔۔۔۔۔۔۔۔۔۔۔۔۔۔۔تمرد سے دامن رہے پاک میرا۔۔۔۔۔۔۔۔۔۔۔۔۔۔۔۔۔(تمر د کا مطلب سرکشی اور قوافی میں میرا کی تکرار سے کسی اور طرح بچنے کی سعی کی جائےگی)

 

بدل دے میرے دل کی دنیا تو یارب
نہ غفلت کا رہ پائے اس میں اندھیرا

 

شعر میں کوئی خاص نَقص تو نہیں ۔زبان بھی سادہ ، سلیس اور رواں ہے البتہ شبہ پہلے مصرعے کے مفہوم میں یہ پایا جاتاہے
کہ مشکلوں کوقابلِ برداشت بنادینے کی دعا کی جارہی ہے۔۔۔۔۔جبکہ ہم چاہتے ہیں اور سب یہی چاہیں گے کہ مشکلیں باقی
نہ رہیں،ہٹالی جائیں ،دور ہوجائیں کہ اللہ تعالیٰ رب العز ت ہر چیز پر قادر ہے۔۔۔۔۔۔۔۔۔۔۔۔۔۔۔۔۔۔۔
غالب یاد آگئے جنھوں نے کہاتھا:

رنج سے خُوگر ہوا انساں تو مِٹ جاتا ہے رنج
مشکلیں ۔اِتنی پڑیں مجھ پر کہ آساں ہوگئیں​

مطلب: تکلیفیں جھیلتے جھیلتے انسان اِنھیں جھیلنے کا عادی ہوجاتا ہے ۔پھرغالب نے کہا یہی میرے ساتھ ہوا۔۔۔۔۔۔۔۔
تومحترم ارشد صاحب آپ کیوں یہ کہیں ۔آپ تو یوں کہیں:
۔۔۔۔۔۔۔۔۔۔۔۔۔۔۔۔۔۔۔۔تُو ۔اِن مشکلوں کو ہٹا دے مرے رب
۔۔۔۔۔۔۔۔۔۔۔۔۔۔۔۔۔۔۔جنھوں نے مجھے ہر طرف سے ہے گھیرا۔۔۔۔۔۔۔۔۔۔(مری مشکلوں م م یعنی عیبِ تنافر بھی نہ رہا)