مجھ کو بھی عطا وہ ہی زباں میرے خدا ہو ۔۔ سلیم رضا

مجھ کو بھی عطا وہ ہی زباں میرے خدا ہو
ہر وقت فقط جس پہ محمدﷺ کی ثنا ہو
جس وقت نظر جائے سوئے گنبدِ خضرٰی
اس وقت مرے تن سے مری روح جدا ہو
انوار بکھر جائیں جو مسکائیں ذرا سا
دنداں کی چمک سے یہ شبِ تار ہَوا ہو
مولٰی کی عبادت میں مگن ایسے ہیں مولٰی
کب کھینچا گیا تیر یہ احساس ہی کیا ہو
کیوں خوف مجھے ہو کوئ طوفانِ بلا کا
یا غوثِ ورٰی جب مری کشتی پہ لکھا ہو
بس کلمہءِ طیب کو وظیفہ تو بنا لے
ٹل جائے گی جیسی بھی ترے سر پہ بلا ہو
ایمان کے قزاق سے بچنے کو سلیؔم
ابلازم ہے ترے ہاتھ میں تلوارِ رضا ہو
سلیم رضا
​

 

اللہ تعالیٰ آپ کو بھی جزائے خیر عطا کرے آمین