مجھ پہ گزری یہ ابتلا برسوں

مجھ پہ گزری یہ ابتلا برسوں
میں رہی تجھ میں مبتلا برسوں
٭٭
وہ دیا لے گئی ہوا کیونکر
میری امید جو رہا برسوں
٭٭
اسکو مدت ہوئی نہیں دیکھا
جو کہ دل میں بسا رہا برسوں
٭٭
اس کی ہی ذات کے بیاباں میں
دل اسے ڈھونڈتا پھرا برسوں
٭٭
شہر ویران کر گیا ہے وہ
بن کے جس میں رہا خدا برسوں
٭٭
ایک آنسو نے فاش کر ڈالا
راز جو تھا نہیں کُھلا برسوں
٭٭
اس کا آسیب مجھ پہ ہےچھایا
جو رہا تھا مجھ پہ فدا برسوں
٭٭
آج بھی آ گئی وہی نوبت
وہ جو کل ہے ہوا، ہوا برسوں​

 

بہت خوب بہت اعلی تخلیق

 

اس کی ہی ذات کے بیاباں میں
دل اسے ڈھونڈتا پھرا برسوں
۔۔۔۔۔۔۔۔۔۔۔۔۔۔ بہت خوب ۔۔۔۔۔۔۔۔۔۔۔ واہ

 

دیدار ہوا آج اس تخلیق کا
ہمیں تھا انتظار جس کا برسوں

 

وااااااااااااہ وااااااااااااہ
کیا کہنے خوبصورت اشعار

" جو رہا مجھ پہ تھا فدا برسوں "

اس مصرعہ کو اس طرح کر لیں

باقی غزل عمدہ ہے ماشاءاللہ