مجھ میں ان کی ثناء کا سلیقہ کہاں۔۔۔۔

مجھ میں ان کی ثناء کا سلیقہ کہاں وہ شہ دو جہاں وہ کہاں میں کہاں
ان کا مدح سرا خالق این و آں وہ رسول جہاں وہ کہاں میں کہاں

ان کے دامن سے وابستہ میری نجات ان پہ قربان میری حیات و ممات
میں گناہگار وہ شافع عاصیاں بے کسوں کی اماں وہ کہاں میں کہاں

وہ مدینہ نگینہ ہے جو عرش کا وہ مدینہ بھرم جو بنا فرش کا
وہ مدینہ جہاں رحمتیں بے کراں میں بھی پہنچوں وہاں وہ کہاں میں کہاں​

 

سبحان اللہ و جزاک اللہ الخیر

اللھم صل علی سیدنا ومولانا محمد وعلی آلہ وصحبہ وبارک وسلم

 

نعیم بھائی شکریہ دعا دینے کا! اسی نعت کو پڑھتے پڑھتے ایک اس کی طرح کا شعر کہا تھا

میرے دامن میں گناہوں کے سوا اور کچھ بھی نہیں مگر ہے یقیں
ان کی اک جو نگاہِ کرم ہو اگر تو ہو رب مہرباں وہ کہاں میں کہاں

مسز مرزا ​

 

السلام علیکم!
اِس نعت مبارکہ کے شاعر سید ریاض الدین سہروردی ہیں۔ اور نعت خواں اُن کے صاحبزادے الحاج سید فصیح الدین سہروردی ہیں۔ ماشاء اللہ بہت اچھی نعت ہے۔ شیئر کرنے کا شکریہ۔