مت پوچھیے کہ کیا ہے سرکار کی گلی میں

مت پوچھیے کہ کیا ہے سرکار کی گلی م

مت پوچھیے کہ کیا ہے سرکار کی گلی میں
<center>اک جشن سا بپا ہے سرکار کی گلی میں</center>
لطف و عطا کی اس پر برسات ہوگئی ہے
<center>جو شخص آگیا ہے سرکار کی گلی میں</center>
ہوتا ہے دل منور تابانیوں سے جس کی
<center>جلووں کی وہ فضا ہے سرکار کی گلی میں</center>
آنے کو آ گئے ہیں گھر پر ضرور لیکن
<center>دل اپنا رہ گیا ہے سرکار کی گلی میں</center>
ہر غم کا ہے مداوا آب و ہوا میں اسکی
<center>ہر درد کی دوا ہے سرکار کی گلی میں</center>
سرکار کی گلی کا رتبہ تو اس سے پوچھو
<center>دل جس کا جھومتا ہے سرکار کی گلی میں</center>
جلووں کو ڈھونڈنےمیں گھر سے چلا تھا اپنے
<center>اب خود کو ڈھونڈتا ہوں سرکار کی گلی میں</center>
کس کس کو میں بتاوں خود جاکے کوئی دیکھے
<center>جنت کا در کھلا ہے سرکار کی گلی میں</center>
جس کی تجلیوں سے سارا جہاں منور
<center>مسرور وہ فضا ہے سرکار کی گلی میں</center>

 

اب خود کو ڈھونڈتا ہوں

ہر غم کا ہے مداوا ہے آب و ہوا میں اسکی
ہر درد کی دوا ہے سرکار کی گلی میں
جلووں کو ڈھونڈنےمیں گھر سے چلا تھا اپنے
اب خود کو ڈھونڈتا ہوں سرکار کی گلی میں