لوگوں نے اصل چہرہ اپنا چھپا لیا ہے---برائے اصلاح

شکیل احمد خان
------------
لوگوں نے اصل چہرہ اپنا چھپا لیا ہے
حالات کے مطابق حلیہ بنا لیا ہے
--------------
دنیا نہ جان پائے میری ہے کیا حقیقت
چہرے پہ اس لئے ہی جنگل اُگا لیا ہے
----------
مجھ کو ملی ہے نفرت میری ہی حرکتوں سے
خود کو نظر میں سب کی میں نے گرا لیا ہے
----------
دیکھے حکیم سارے لیکن شفا نہ پائی
اک لا علاج دکھ جو خود کو لگا لیا ہے
-----------
غیروں کے ساتھ ان کو دیکھا جو آج میں نے
بہنے لگے تھے آنسو جن کو دبا لیا ہے
------------یا
صدمہ ہوا جو مجھ کو ، دل میں چھپا لیا ہے
----------
جو بھی گنہ کرو گے اس کی سزا ملے گی
کیسا بُرا وطیرہ تم نے بنا لیا ہے
-------------
دولت نہ ساتھ دے گی محشر میں جا کے ارشد
تیرے لئے ہے کافی جتنا کما لیا ہے
-------------

 

واقعی اور وقوعی حقیقت جس سے انحراف ممکن نہیں
۔۔۔۔کوئی شاعرانہ سقم بھی نہیں،واہ!

 

خود کو نظر سے میں نے سب کی گرالیا ہے

 

اک لاعلاج دکھڑا خود کو لگا لیا ہے

اِک مرضِ لادوا سا خود کو لگا لیا ہے

 

غیروں کے ساتھ ان کو دیکھا تو ہے یہ حالت
آنکھوں۔ کو ۔میں ۔نے ۔گنگا ۔جمنا بنا لیا ہے

 

۔۔۔۔محترم !
۔۔۔۔۔۔۔دو لفظ ہیں:
وتیرہ۔۔۔۔۔۔طریقہ، طریق، روش، عادت
وتیرہ بنالینا۔۔۔عادت بنالینا، روش اختیار کرلینا، طریقہ بنالینا ،
وطیرہ۔۔۔۔۔خواہش پوری کرنا ، حاجت سےفراغت،
کوئی صاحبِ تحقیق ہوں تو اس پر مزید روشنی ڈالیں کہ وطیرہ کوئی لفظ ہے بھی یا عربی کے رعب و دبدبے سے ہم اُردو والوں نے
وتیرہ کو ہی وطیرہ لکھنا شروع کردیا ہے۔۔۔۔۔۔۔۔۔۔۔۔۔۔۔۔بہرحال محترم!
جن معنوں میں آپ نے اِسے اختیار کیا ہے تو بس اِملا کی ہی چُوک ہے وگرنہ سب خیر یت ہے ۔ امید ہے آیندہ اس لفظ کو وتیرہ
ہی لکھیں ، پڑھیں اور سمجھیں گے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شعر کے دونوں مصرعے باہم ربط سے یکسر نہیں تو بہت کچھ محروم ہیں۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پہلا مصرع:۔۔۔جو بھی گناہ (گنہ)کرو گے اُس کی سزا ملے گی ۔۔۔۔۔۔۔۔یہاں گناہگار کی کوئی خاص روش بھی توواضح ہونی چاہیے
کہ وہ گناہ کرتا ہے اور یہ سمجھتا ہے کہ سزا جب ملے گی تب ملے گی ابھی تو لطف اندوز ہولو، مزے اُڑالو،عیش کرلو۔۔۔۔۔۔۔۔اگر
ایسی کوئی وضاحت بھی پہلے مصرعے میں موجود ہوتی تودوسرے مصرعے میں یہ کہنے کی گنجائش بخود پیدا ہوجاتی کہ ۔۔۔۔۔۔کیسا برا
وتیرہ تم نے بنا لیا ہے۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔مگر کیونکہ ایسانہیں
ہے تو یہ۔۔۔۔۔۔۔۔۔۔۔۔۔۔۔۔یہ دو الگ الگ مصرعے ہیں کہ جن میں باہم ربط مفقود ہے۔۔۔۔۔۔۔۔۔۔۔۔۔۔۔۔۔۔۔۔

 

۔۔۔۔۔۔محشر میں جاکے ۔۔۔۔۔۔۔۔۔کیوں جی ۔۔۔۔۔۔۔جب محشر کہہ دیا تو ۔۔میں تو ٹھیک ہے مگر یہ جاکے بیکار کی بات ہے
بڑا مزہ ہو محشر میں۔۔۔۔۔ہم کریں شکوہ
وہ منتوں سے کہیں چپ رہو خدا کےلیے۔۔۔۔۔۔(داغ)
اتنا ہی کافی ہے:
دولت نہ ساتھ دے گی محشر میں تیری ارشد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔دوسرا مصرع کچھ اور بہتری کا متقاضی ہے۔۔۔۔۔۔۔۔۔۔۔۔۔۔۔۔۔۔۔۔۔
دولت نہ کام دے گی محشر میں تیری ارشد
یہ۔ مال تھا یہیں تک ۔جو، کچھ کما ۔لیا۔ ہے