لوحِ محفوظ قمر اور یہ خامہ نوری ۔ وسیم اکرم نوری

لوحِ محفوظ قمر اور یہ خامہ نوری
نور سے انکے ہوا سارا زمانہ نوری

وہ مزمِّل وہ مدثِّر وہ مصدِّق صادق
پڑھ لیا کفر نے برہان کا کلمہ نورؔی

ہوا منظور کہ سرکار چلے رب کے حضور
قربتِ شب میں پہن کرکے عمامہ نوری

ماہ، خورشید، ستارے، و جنابِ یوسف
رہ گئے دنگ سبھی دیکھ کے تلوا نوری

الله الله میں قربان ملن کی رت ہے
نورِ خالق سے بڑھا نور کا لمعہ نوری

دلِ تاریک کرے کیسے یقیں قربت کا
دشمنِ خیرِ بشر وہ تَو ہے قصہ نوری

در گزر کرنا مخالف سے نہ لینا بدلہ
نورؔی کیا خوب ہے مختار کی دنیا نوری

✍__وسیم اکرم نوری​

 

اللہ تعالیٰ آپ کو بھی جزائے خیر عطا کرے آمین