لفظ غم پہ شعر لکھیں

جو ہر مقام پر تجھے وحشت میں چھوڑ دے
اک دن تو اس کو غم کی مسافت میں چھوڑ دے

 

محبت غم کی بارش ھے زمیں سر سبز ھوتی ھے
بہت سے پھول کھلتے ھیں جہاں بادل برستا ھے

 

میکدہ رات غم کا گھر نکلا
دل حویلی تلے کھنڈر نکلا

 

زندگی میں بھی غزل کا ہی قرینہ رکھا
خواب در خواب تیرے غم کو پرویا کیسے

 

ایک تری جدائی کے درد کی بات اور ھے
جن کو سہہ سکے یہ دل ایسے تو غم نہیں ملے

 

غم کی ہر کائنات بھیگ گئی
تم جب آۓ تو رات بھیگ گئی
تم نے کیا چھو لیا محبت سے
سر سے پا تک حیات بھیگ گئی

 

دل میں اتارئیے نہیں نشتر سوال کا
اس غم کا کچھ علاج نہیں‌ھے دعا کریں

 

میں دل کا غم مٹا لوں اگر اجازت ہو
میں دل کسی سےلگالوں آگر اجازت ہو

 

اے جان فراز اتنی بھی توفیق کسے تھی
ہم کو غم ہستی بھی گوارہ ھے کہ تم ھو

 

وہ اپنے غم مجھے دے دے تو کچھ سکون ملے
وہ کتنا بدنصیب ہے ، غم ہی جسے ملا نہیں

 

سونپ دیتا ھوں شعروں کی دیوی کو میں
کوئی غم دیر تک پاس رکھتا نہیں

 

رابطے حد سے بڑھ جائیں تو غم ملتے ہیں
ہم اسی لئے ہر شخص سے کم ملتے ہیں

 

اسے یہ غم ھے شہر نے ہماری بات جان لی
ہمیں یہ دکھ ھے اس کے رنج بھی نہان نہیںرھے

 

غم زندگی غم بندگی غم دو جہاں غم جاوداں
میری ہر نظر تیری منتظر تیری ہرنظر میرا امتحاں

 

آج کیا بیٹھے بٹھائے غم جاں یاد آیا
ایک یاد آئی تو پھر ایک جہاں یاد آیا

 

یوں‌اس نے اپنے غم مجھ سے علیحدہ کرلیے
آج میں رویا تو میرے ساتھ وہ رویا نہ تھا

 

مرے رستوں میں‌غم ہی غم ھیں یاروں
خوشی کا تو گزر ممکن نہیں ھے

 

آنکھ میں اشک لبوں پر سسکیاں اور دل میں غم
مجھ کو پھر اے دوست ! تیرا روٹھنا اچھا لگا

 

بعد مرے ترا غم سوچے گا آخر اک دن
کس کے اعصاب کے دروازے سے لگ کر سوئے

 

ہجوم غم میری فطرت بدل نہیں سکتا
میں کیا کروں مجھے عادت ہے مسکرانے کی

 

غم کی بارش عجیب ھوتی ھے
دل کے باھر نظر نہیں‌ آتی

 

یہ سمجھ کر دل میں رکھا ہے تمھارے غم کو
کوئی شے قائم نہیں رہتی حفاظت کے بغیر

 

گلیوں سے تم نے گزر کر نہیں دیکھا
غم یہ ھی کہ خوشیوں نے مرا گھر نہیں دیکھا

 

وہیں درد و غم کا گلاب ہے ، جہاں کوئی خانہ خراب ہے
جسے جھک کے چاند نہ چوم لے، وہ محبتوں کی زمیں نہیں

 

یہ کیا کہ تم ہی غم ہجر کے فسانے کہو
کبھی تو اس کے بہانے سنا کرو اس سے

 

کچھ ان دنوں تیرا غم بھی نہیں برس پایا
کچھ ان دنوں میرے صحرا کی پیاس بھی کم ہے

 

یہ تمہاری تلخ نوائیاں کوئی اور سہہ کے دِکھا تو دے
یہ جو تم میں مجھ میں نباہ ہے، میرے حوصلے کا کمال ہے
مجھے اِس کا کوئی بھی غم نہیں کہ کسی نے مجھھ سے وفا نہ کی
میں کسی کے کام نہ آ سکا، مجھے صرف اِس کا ملال ہے

 

غم کہتے نہیں رنج عبارت نہیں کرتے
ہم اہل وفا عشق اکارت نہیں کرتے

 

اس کا رونا نہیں کیوں تم نے کیا دل برباد
اس کا غم ہے کہ بہت دیر میں برباد کیا

 

غم سے بڑھ کر دوست کوئی دوسرا ہوتا نہیں
سب جدا ہوتے ہیں لیکن غم جدا ہوتا نہیں