لفظ جو آپ کے فرمان میں آ جاتے ہیں .مقصود احمد ملک

لفظ جو آپ کے فرمان میں آ جاتے ہیں
حکم اکثر وہی قرآن میں آ جاتے ہیں
دیکھیں دشمن بھی تواضع جو مرے آقا کی
خود بخود سایہء ایمان میں آ جاتے ہیں
کلمہ پڑھتے ہیں کبھی دستِ جہل میں کنکر
وصف انسان کے بے جان میں آ جاتے ہیں
میرے آقا ہی تو کرتے ہیں مداوا اس کا
اشک گر دیدہء حیوان میں آ جاتے ہیں
خامہ اگلے چلا جاتا ہے ضیا کاغذ پر
نور کے موتی قلمدان میں آجاتے ہیں
سن کے دعویٰ مجھے مرزا کا یقیں یہ آیا
وصف شیطان کے انسان میں آ جاتے ہیں
کہہ کے مقصود بھی اک نعت معزز ٹھہرا
کچھ تو اوصاف ثنا خوان میں آ جاتے ہیں
مقصود احمد ملک​

 

دیکھیں دشمن بھی تواضع جو مرےآقا کی
خود بخود سایہء ایمان میں آ جاتے ہیں​

 

کلمہ پڑھتے ہیں کبھی دستِ جہل میں کنکر
وصف انسان کے بے جان میں آ جاتے ہیں​

 

کہہ کے مقصود بھی اک نعت معزز ٹھہرا
کچھ تو اوصاف ثنا خوان میں آ جاتے ہیں​

 

سبحان اللہ - جزاک اللہ

 

اللہ تعالٰی آپ کو بھی جزائے خیر عطا کرے آمین