قوی الایمان لوگوں کو صبر کی تلقین۔

صحيح مسلم
كِتَاب الزَّكَاةِ
زکاۃ کے احکام و مسائل

46- باب إِعْطَاءِ الْمُؤَلَّفَةِ قُلُوبُهُمْ عَلَى الإِسْلاَمِ وَتَصَبُّرِ مَنْ قَوِيَ إِيمَانُهُ:
باب: قوی الایمان لوگوں کو صبر کی تلقین۔
باب سے متعلقہ تمام احادیث دیکھیں
حدیث نمبر: 2441​

حدثنا محمد بن المثنى ، وإبراهيم بن محمد بن عرعرة ، يزيد احدهما على الآخر الحرف بعد الحرف، ‏‏‏‏‏‏قالا:‏‏‏‏ حدثنا معاذ بن معاذ ، حدثنا ابن عون ، عن هشام بن زيد بن انس ، عن انس بن مالك ، قال:‏‏‏‏ لما كان يوم حنين، ‏‏‏‏‏‏اقبلت هوازن وغطفان وغيرهم بذراريهم ونعمهم، ‏‏‏‏‏‏ومع النبي صلى الله عليه وسلم يومئذ عشرة آلاف ومعه الطلقاء، ‏‏‏‏‏‏فادبروا عنه حتى بقي وحده، ‏‏‏‏‏‏قال:‏‏‏‏ فنادى يومئذ نداءين لم يخلط بينهما شيئا، ‏‏‏‏‏‏قال:‏‏‏‏ فالتفت عن يمينه، ‏‏‏‏‏‏فقال:‏‏‏‏ يا معشر الانصار، ‏‏‏‏‏‏فقالوا:‏‏‏‏ لبيك يا رسول الله ابشر نحن معك، ‏‏‏‏‏‏قال:‏‏‏‏ ثم التفت عن يساره، ‏‏‏‏‏‏فقال:‏‏‏‏ يا معشر الانصار، ‏‏‏‏‏‏قالوا:‏‏‏‏ لبيك يا رسول الله ابشر نحن معك، ‏‏‏‏‏‏قال:‏‏‏‏ وهو على بغلة بيضاء فنزل، ‏‏‏‏‏‏فقال:‏‏‏‏ انا عبد الله ورسوله، ‏‏‏‏‏‏فانهزم المشركون واصاب رسول الله صلى الله عليه وسلم غنائم كثيرة، ‏‏‏‏‏‏فقسم في المهاجرين والطلقاء، ‏‏‏‏‏‏ولم يعط الانصار شيئا، ‏‏‏‏‏‏فقالت الانصار:‏‏‏‏ إذا كانت الشدة فنحن ندعى وتعطى الغنائم غيرنا، ‏‏‏‏‏‏فبلغه ذلك فجمعهم في قبة، ‏‏‏‏‏‏فقال:‏‏‏‏ يا معشر الانصار، ‏‏‏‏‏‏ما حديث بلغني عنكم؟ فسكتوا، ‏‏‏‏‏‏فقال:‏‏‏‏ يا معشر الانصار اما ترضون ان يذهب الناس بالدنيا، ‏‏‏‏‏‏وتذهبون بمحمد تحوزونه إلى بيوتكم، ‏‏‏‏‏‏قالوا:‏‏‏‏ بلى يا رسول الله رضينا، ‏‏‏‏‏‏قال:‏‏‏‏ فقال:‏‏‏‏ لو سلك الناس واديا، ‏‏‏‏‏‏وسلكت الانصار شعبا، ‏‏‏‏‏‏لاخذت شعب الانصار "، ‏‏‏‏‏‏قال هشام:‏‏‏‏ فقلت يا ابا حمزة انت شاهد ذاك؟، ‏‏‏‏‏‏قال:‏‏‏‏ واين اغيب عنه،‏‏‏‏
سيدنا انس رضی اللہ عنہ نے کہا: جب حنین کا دن ہوا ہوازن اور غطفان اور قبیلوں کے لوگ اپنی اولاد اور جانوروں کو لے کر آئے نبی صلی اللہ علیہ وسلم کے ساتھ دس ہزار غازی تھے اور مکہ کے لوگ بھی جن کو طلقاء کہتے ہیں پھر یہ سب ایک بار پیٹھ دے دئیے یہاں تک کہ نبی صلی اللہ علیہ وسلم اکیلے رہ گئے اور اس دن دو آوزیں دیں کہ ان کے بیچ میں کچھ نہیں کہا پہلے داہنی طرف منہ کیا اور پکارا: ”اے انصار کے گروہ!“ تو انصار نے جواب دیا کہ ہم حاضر ہیں اے اللہ کے رسول! آپ خوش ہوں کہ ہم آپ صلی اللہ علیہ وسلم کے ساتھ ہیں۔ پھر آپ صلی اللہ علیہ وسلم نے بائیں طرف منہ کیا اور پکارا ”اے گروہ انصار کے!“ تو انہوں نے پھر جواب دیا اور کہا کہ ہم حاضر ہیں اے اللہ کے رسول! آپ خوش ہوں کہ ہم آپ کے ساتھ ہیں اور آپ صلی اللہ علیہ وسلم ایک سفید خچر پر سوار تھے۔ اس سے اتر پڑے اور فرمایا: ”میں اللہ کا بندہ ہوں (مقام بندگی سے بڑھ کر کوئی فخر کا مقام نہیں، شیخ اکبر نے اس کی خوب تصریح کی ہے کہ مقام عبدیت خاص ہے انبیاء کے واسطے اور کسی کو اس مقام میں مشارکت نہیں۔ سبحان اللہ! اللہ کا بندہ ہونا کتنی بڑی نعمت ہے کیا خوب کہا ہے ایک شاعر نے۔ ؎ داغ غلامیت کز و پایہ خسر و بلند صد ر ولایت شود بندہ کہ سلطان خرید) اور اس کا رسول، اور شکست کھا گئے مشرک لوگ۔“ اور نبی صلی اللہ علیہ وسلم کو بہت لوٹ کا مال ہاتھ آیا اور آپ صلی اللہ علیہ وسلم نے اس کو مہاجرین میں تقسیم کر دیا اور مکہ کے لوگوں میں اور انصار کو اس میں سے کچھ نہ دیا۔ تب انصار نے کہا کہ کٹھن گھڑی میں تو ہم بلائے جاتے ہیں اور لوٹ کا مال اوروں کو دیا جاتا ہے اور آپ صلی اللہ علیہ وسلم کو یہ خبر لگی سو آپ صلی اللہ علیہ وسلم نے ان کو ایک خیمہ میں اکٹھا کیا اور فرمایا: ”اے انصار کے گروہ! یہ کیا بات ہے جو مجھ کو تم سے پہنچی ہے۔“ تب وہ چپ ہو رہے آپ صلی اللہ علیہ وسلم نے فرمایا: ”اے انصار کے گروہ! کیا تم خوش نہیں ہوتے ہو اس پر کہ لوگ دنیا لے کر چلے جائیں گے اور تم محمد صلی اللہ علیہ وسلم کو لے جا کر اپنے گھر میں محفوظ رکھ لو۔“ انہوں نے کہا: بیشک اے اللہ کے رسول! ہم راضی ہو گئے پھر آپ صلی اللہ علیہ وسلم نے فرمایا: ”اگر لوگ ایک گھاٹی میں چلیں اور انصار دوسری میں تو میں تو انصار کی گھاٹی کی راہ لوں۔“ ہشام نے کہا: میں نے کہا: اے ابوحمزہ! تم اس وقت حاضر تھے؟ انہوں نے کہا: میں آپ صلی اللہ علیہ وسلم کو چھوڑ کر کہاں جاتا؟