قلب میں ہو مرے گر خیر بشر کی صورت ۔۔ شہرت اورنگ آبادی

قلب میں ہو مرے گر خیر بشر کی صورت
آئے پھر کیوں نہ دعاؤں میں اثر کی صورت

لب سے سرکارﷺ کے قرآن سنا جیسے ہی
پڑ گئی ماند سبھی اہل ہنر کی صورت

جب سے آقاﷺ کو تصور میں بسایا میں نے
*دل کا ہر داغ چمکتا ہے قمر کی صورت*

قول سرکارﷺ ہے بس قول خدا اب اس میں
کیسے پیدا ہو اگر اور مگر کی صورت

مصطفیٰﷺ ہی کی شریعت کو بچانے کے سبب
فاطمہ! چمکی ترے نور نظر کی صورت

جب محمدﷺ کو پکارا ہے سفر میں
شہرتتو بدلنی تھی سمندر میں لہر کی صورت
------
"شہرت اورنگ آبادی"
جامعہ اشرفیہ,مبارکپور,اعظم گڑھ
عالمی واٹسپ گروپ "بزم نعت" کا چوہترواں شاندار طرحی مشاعرہ
فروری 2019
​

 

جب سے آقاﷺ کو تصور میں بسایا میں نے
*دل کا ہر داغ چمکتا ہے قمر کی صورت*​

 

مصطفیٰﷺ ہی کی شریعت کو بچانے کے سبب
فاطمہ! چمکی ترے نور نظر کی صورت​

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین