قرنِ اوّل کی روایت کا نگہدار حسین علیہ السلام

قرنِ اوّل کی روایت کا نگہدار حسین علیہ السلام

بس کہ تھا لختِ دلِ حیدرِ کرار حسین علیہ السلام


عرصۂ شام میں سی پارۂ قرآنِ حکیم

وادیٔ نجد میں اسلام کی للکار حسین علیہ السلام


سر کٹانے چلا منشائے خداوند کے تحت

اپنے نانا کی شفاعت کا خریدار حسین علیہ السلام


کوئی انساں کسی انساں کا پرستار نہ ہو

اس جہاں تاب حقیقت کا علمدار حسین علیہ السلام


ابو سفیان کے پوتے کی جہانبانی میں

عزّتِ خواجۂ گیہاں کا نگہدار حسین علیہ السلام


کرۂ ارض پہ اسلام کی رحمت کا ظہور

عشق کی راہ میں تاریخ کا معمار حسین علیہ السلام


جان اسلام پہ دینے کی بنا ڈال گیا

حق کی آواز، صداقت کا طرفدار حسین علیہ السلام


دینِ قیم کے شہیدوں کا امامِ برحق

حشر تک امّتِ مرحوم کا سردار حسین علیہ السلام


ہر زمانے کے مصائب کو ضرورت اس کی

ہر زمانے کے لیے دعوتِ ایثار حسین علیہ السلام


کربلا اب بھی لہو رنگ چلی آتی ہے

دورِ حاضر کے یزیدوں سے دوچار حسین علیہ السلام​

شورش کاشمیری

 

جواب: قرنِ اوّل کی روایت کا نگہدار حسین علیہ السلام

جزاک اللہ!

 

جواب: قرنِ اوّل کی روایت کا نگہدار حسین علیہ السلام

بُہت شُکریہ تانیا بیٹا اس پیغام کے لیے

سلام یا حُسین علیہ السلام​