فیس بک کے بعد یو ٹیوب کی ویب ساءیٹ کو بھی بلاک کردیا گیا۔

جواب: فیس بک کے بعد یو ٹیوب کی ویب ساءیٹ کو بھی بلاک کردیا گیا۔

شکرہے کوئی تو کام اچھا کیا اس حکومت نے

 

جواب: فیس بک کے بعد یو ٹیوب کی ویب ساءیٹ کو بھی بلاک کردیا گیا۔

کراچی/لاہور/راولپنڈی(ایجنسیاں/نمائندہ جنگ) فیس بک پر توہین آمیز خاکوں کی اشاعت کے مقابلے کیخلاف پاکستان سمیت دنیا بھر مظاہرے کیے گئے۔مختلف سیاسی، سماجی، مذہبی تنظیموں، طلباء تاجر برادری، سول سوسائٹی اور وکلاء نے مظاہرے کئے اور احتجاجی ریلیاں نکالیں، متعدد شہروں میں مظاہرین نے امریکا، ناروے اور ڈنمارک کیخلاف نعرے لگائے اور پرچم نذر آتش کئے۔ جبکہ ترجمان دفترخارجہ نے فیس بک پر گستاخانہ خاکوں کی اشاعت کی مذمت کرتے ہوئے کہا ہے کہ اس سے پاکستان سمیت دنیا بھر میں مسلمانوں کے جذبات مجروح ہوئے ہیں، عالمی برداری ایسے مسائل کے سدباب کیلئے فوری اقدامات کرے۔ دوسری جانب پی ٹی اے نے فیس بک کے بعد یو ٹیوب سمیت 800 ویب سائٹس پر پابندی لگا دی ۔تفصیلات کے مطابق فیس بک کے بعد یو ٹیوب سمیت 800 ویب سائٹس پر پاکستان میں پابندی لگا دی گئی ہے جن پر توہین آمیز خاکے جاری کئے گئے تھے۔ ٹیلی کام اتھارٹی کے ترجمان نے بتایا کہ اتھارٹی میں مانیٹرنگ نظام نے گزشتہ روز سے انٹرنیٹ کی اہم ویب سائٹس کی مسلسل نگرانی کر رہا ہے۔ فیس بک پر پابندی کے بعد توہین آمیز خاکے ویڈیو کی شکل میں یو ٹیوب پر بھی نظر آئے ہیں جس پر چند ویب پیج بند کئے گئے لیکن یہ سلسلہ بند نہیں ہوا جس پر اعلیٰ حکام سے مشاورت کے بعد یو ٹیوب کی مکمل سروس بند کر دی ہے۔ ترجمان نے مزید بتایا کہ فیس بک اور یو ٹیوب ئکو بند کرنے کے بعد نگرانی کا کام مسلسل جاری رکھے ہوئے ہیں۔ گزشتہ روز جمعرات کی شام تک 800 سے زیادہ ویب سائٹس کی پاکستان میں رسائی کو بند کر دیا ہے اور یہ سلسلہ اس وقت جاری رہیگا جب تک توہین آمیز خاکوں کا سلسلہ بند نہیں ہو جاتا ہے۔ احتجاجی ریلیوں سے خطاب کرتے ہوئے مقررین نے حکومت پاکستان سے مطالبہ کیا کہ جن ممالک نے گستاخانہ خاکے جاری کرنے والے شیطانوں کی سرپرستی کی ہے ان ممالک کے سفیروں کو ملک بدر کیا جائے، انہوں نے کہا کہ آج بروز جمعہ کو ملک بھر میں یوم مذمت منایا جائیگا، عراق اور افغانستان میں شکست خوردہ امریکا اسلام و مسلمانوں کیخلاف گھٹیا ہتھکنڈوں پر اتر آیا ہے۔ انہوں نے کہا کہ مختلف طریقوں سے مسلمانوں کے جذبات سے کھیلنے والوں کا کوئی مذہب نہیں، توہین رسالت ناقابل معافی جرم ہے۔
بشکریہ جنگ نیوز