فحش سائٹس اور ہمارے نوجوان

فحش سائٹس اور ہمارے نوجوان​

انٹرنیٹ دورِ جدید کی ایک بہت مفید اور کارآمد ایجاد ہے۔ یہ نہ صرف معلومات کا ایک خزانہ ہے بلکہ مواصلات کے شعبے میں بھی اس نے ایک انقلاب برپا کردیا ہے۔انٹرنیٹ پر ہر طرح کی معلومات بہت آسانی سے دستیاب ہوجاتی ہیں۔اس کے ذریعے سے لوگ اپنے دور دراز عزیزوں سے باآسانی رابطہ کرسکتے ہیں۔ یہ کہنا غلط نہ ہوگا کہ اس نے بڑی حد تک لائبریری اور ڈاک کے نظام کی جگہ لے لی ہے۔
پاکستان میں انٹرنیٹ کئی سال قبل متعارف ہوا۔ دیکھتے ہی دیکھتے اس کے استعمال کرنے والوں کی تعداد بڑھتی چلی گئی ۔ملک میں انٹرنیٹ فراہم کرنے والی کمپنیوں کی تنظیم ’اسپاک‘ کے اعداد و شمار کے مطابق اس وقت ملک میں انٹرنیٹ کے صارفین کی کل تعداد کروڑوں میں پہنچ چکی ہے۔امید ہے کہ آنے والے دنوں میں یہ تعداد کئی گنا بڑھ جائے گی۔
اس حوالے سے یہ امر بے حد تشویشناک ہے کہ پاکستان میں انٹرنیٹ کے بیشتر صارفینِ اسے فحش اور عریاں ویب سائٹس تک رسائی کے لیے استعمال کرتے ہیں۔یہ محض اندازہ نہیں، مذکورہ بالا تنظیم ’اسپاک‘ کے جاری کردہ اعداد و شمار کے مطابق پاکستان میں انٹرنیٹ استعمال کرنے والے بیشتر لوگوں کا پسندیدہ شغل، فحش اور عریاں ویب سائٹ دیکھنا ہے۔
یہ صورتحال ہر باشعور شخص کے لیے باعث تشویش ہے۔باخبر لوگ اس بات سے واقف ہیں کہ یہ تنہا پاکستان کا مسئلہ نہیں بلکہ پوری دنیا اس مسئلے سے پریشان ہے۔دنیا بھر میںسب سے زیادہ فحش ویب سائٹس ہی دیکھی جاتی ہیں۔ان سائٹس پربا قاعدگی سے جانے والے لوگ، دنیا کی نظر سے چھپ کر، انٹرنیٹ کی تاریک گلیوں میں آوارہ پھرتے رہتے ہیں۔یہ آوارگی ان کی عادت بن کر قلب و نظر کوناپاک کردیتی ہے۔اس کے بعد زندگی دو میں سے کسی ایک راستے کی طرف مڑ جاتی ہے۔ یاتو انسان حلال و حرام کی ہر تمیز کو فراموش کرکے زناکی وادی قدم رکھ دیتا ہے یا پھر شادی کا جائز راستہ کھلنے کے بعد بھی تاعمر پورنوگرافی کے نشہ کا عادی بنا رہتا ہے۔
ہماری سوسائٹی کا المیہ یہ ہے کہ ہم نے اپنے غلط رویوں، نظریات اور بعض حالات کی بنا پر شادی کی بنیادی ضرورت کو، نوجوانوں کے لیے ناقابلِرسائی بنادیا ہے ۔جبکہ دنیا بھر میں یا تو مناسب عمرمیں نوجوانوں کی شادی ہوجاتی ہے یا پھر شادی کیے بغیر نوجوان لڑکے لڑکیوں کو ساتھ رہنے کی آزادی حاصل ہوتی ہے۔ ’اسپاک‘ کی اس رپورٹ کے ذریعے سے پوری سوسائٹی کو یہ پیغام مل گیا ہے کہ یا تو لوگوں کے لیے نکاح کے جائز راستے کو کھول دیا جائے یا پھر سوسائٹی کی تباہی کے لیے تیار ہوجانا چاہیے۔
اس پیغام کا پس منظر یہ ہے کہ جن مغربی ممالک میں نکاح کے بغیر مرد و زن کا تعلق عام بات ہے، ان کے ہاںیہ کوئی اخلاقی خرابی نہیں ہے۔ان کے ہاں کی بلیو فلمیں ہوں یا فحش ویب سائٹس، اصل مسئلہ یہ ہوتا ہے کہ بچوں کو ان سے دور رکھا جائے باقی لوگ آزاد ہیں کہ جو چاہیں کریں۔ مگر ہمارے ہاں، حیا اور عفت بنیادی اقدار ہیں۔ اسی طرح اخلاقی بحران کے اِس دور میں خاندان کا ادارہ ہماری واحد معاشرتی ڈھال ہے۔زنا اور بے حیائی کے فروغ سے یہ اقدار اور یہ ادارہ ختم ہوجائے گا۔
انٹر نیٹ پورنوگرافی کا کوئی حل ابھی تک جدید دنیا دریافت نہیں کرسکی ہے۔ سعودی عرب اور سنگاپور جیسے ممالک نے سنسرشپ کے ذریعے سے اس مسئلہ کا حل تلاش کرنے کی کوشش کی ہے۔مگر تجربہ یہ بتاتا ہے کہ اس طرح کا حل بہت زیادہ مؤثر نہیں ہوسکا ہے۔ ہمارے ہاں بھی سنسر شپ کی کوشش کی گئی مگر اس کا بھی کوئی فائدہ نہیں ہوسکا۔ بلکہ جیسا کہ رپورٹ سے ظاہر ہے کہ جتنے زیادہ انٹرنیٹ کو استعمال کرنے والے بڑھیں گے اتنے ہی زیادہ فحش سائٹس پر وزٹ کرنے والوں کی تعداد بڑھتی چلی جائے گی۔
اس مسئلے کا حل یہی ہے کہ والدین اپنی ذمہ داریاں محسوس کریں۔ وہ بچوں کی تربیت کو اپنا مسئلہ بنائیں۔ ان کو وقت کی رفتار کے حوالے نہ کریں بلکہ زندگی کے ہر سرد و گرم میں ان کی رہنمائی کریں۔ بچوں کے شعور میں حیا اور عفت کی اہمیت واضح کریں۔ان کی سرگرمیوں پر نظر رکھیں۔ کسی غلطی کی صورت میں نرمی اور محبت سے ان پر یہ واضح کریں کہ یہ چیزیں ہماری اقدار کے خلاف ہیں۔جب بچے بڑے ہوجائیں تو ایک مناسب عمر میں ان کی شادی کو اپنی ترجیحات میں بہت اوپر رکھیں۔یہی وہ راستہ ہے جس پر چل کر ہم اس مسئلے کو حل کرسکتے ہیں۔

 

بالکل صیح لیکن کر کیا سکتے ہیں

 

اللہ تعالی آُ پ کی اور سب کی حفاظت فرمائے یہ انتھائی خطرناک زہر ہے

 

مسلئہ تو واقعی سنگین ہے ۔ اب والدین بھی 24 گھنٹے بچوں‌ کے ساتھ تو نہیں رہ سکتے ۔ اللہ سب کی عزتٌ رکھے ۔ امین

 

اس سلسلے میں انٹر نیٹ کیفے بہت برا کردار ادا کر رہے ہیں۔۔۔سب سے پہلے تو ان پر چیک اینڈ بیلنس سسٹم رکھنا چاہیے۔
اس کے بعد ایسی ویب سائٹس کی بلاکنگ کے لئے نیٹ سے بہت سے سافٹ وئیرز مل جاتے ہیں۔جیسے نیٹ نینی وغیرہ۔ان سافٹ وئیرز کو لگانے کے بعد کوئی بھی فحش سائٹ اوپن نہیں ہو سکتی۔
اس کے علاوہ والدین بچوں کے نیٹ استعمال کرنے کے بعد ان کی ویب ہسٹری چیک کر سکتے ہیں کہ انہوں نے کون کون سی ویب سائٹس سرچ کیں۔
اور بچوں کو ایسی اچھی اچھی ویب سائٹس کے بارے میں بتایا جائے کہ ان کا دھیان ان فحش سائٹس کی جانب جائے ہی نہ۔
اس کے علاوہ حکومت کو بھی چاہیے کہ ایسی تمام فحش ویب سائٹس کو پاکستان میں بلاک کر دیا جائے۔اور ایسا ہونا ممکن ہے۔
اگر ہم کچھ کرنا چاہیں تو بہت کچھ کر سکتے ہیں مگر اس کے لئے ہر ایک کو آگے آنا ہو گا۔ہماری نوجوان نسل بے راہ روی کا شکار ہو گی تو نقصان بھی ہمیں ہی ہو گا۔

 

اسلام علیکم
یس علی عمران میں آپ کی بات سے اتفاق کرتا ہوں ۔ نیٹ کیفے والوں کا کردار بہت بڑا ہے اس چیز میں ایک چھوٹی سی بات بتاتا ہوں‌ کہ میں جب لاہور میں تعلیم کے سلسلے میں رہتا تھا تب میں بھی انٹرنیٹ استمال کیا کرتا تھا تو وہاں‌دیکھا کہ سوپچاس نیٹ کیفے والوں‌نے اپنے یوزرز بڑھانے کے لیے خود ہی ایسا سسٹم بنایا ہوتا تھا کہ جو یوزر بھی چاہے وہ فحش موویدیکھ سکتا ہے صرف پچیس تیس روپے کی عوض وہ گھنٹہ گھنٹہ ایسی فحش اور گھٹیا موویز دیکھتے ہیں
خود سوچیں وہ کس چیز کی کمائی کر رہے ہیں