غیر ممکن ہے کہ پایہ نہ ہو دیوار ر ہے

غیر ممکن ہے کہ پایہ نہ ہو دیوار ر

غیر ممکن ہے کہ پایہ نہ ہو دیوار ر ہے

غیر ممکن ہے کہ پایہ نہ ہو دیوار ر ہے
آپ کس شان سے خود کار و خدا کار رہے
سب میں رہتے ہوئے تہہ دار کے تہہ دار رہے
وہ سرعرش بسے اور سر فرش رہے
نور کاوصف یہی ہے کہ پراسرار رہے
حق سے پل بھر بھی نہ غافل کبھی سرکار رہے
آنکھ سے سوئے بھی توقلب سے بیدار رہے
کیوں نہ اس نور کا دل تشنہ دیدار رہے
سامنے رہ کے جو لاتدرک الابصار رہے
دیکھ کر آپ کو تشبیہ میں گم ہے دنیا
ابھی تنزیہہ کے جلوے پس دیوار رہے
ان کا کردار اسی واسطے قرآن بنا
تاکہ محفوظ ابد تک یہی کردار رہے
کھل سکے کس پہ مقامات نبوت اب تک
کتنے پردے میں رہے کتنے نمودار رہے
دولت عشق نبی لوٹ لی دیوانوں نے
عقل والے وہی نادار کے نادار رہے
وہ فدائی نہیں ایمان کا سوداگر ہے
آپ کو چھوڑ کے جنت جسے درکار رہے
لامکاں ہو کہ مکاں چاہے قدم ہو کہ حدوث
میرے سرکار جہاں بھی رہے سرکار رہے
شوق دیوانہ ہے طیبہ کی ہوا کا یارب
گھر ہو یا قبر جو بھی ہو ہوادار رہے​

 

شوق دیوانہ ہے طیبہ کی ہوا کا یارب
گھر ہو یا قبر جو بھی ہو ہوادار رہے​

سبحان اللہ!

 

اللہ اکبر۔ سبحان اللہ ۔۔ ہر شعر پہ دل جھوم جھوم جاتا ہے۔

پیا جی ! یہ کس شاعر کا کلام ہے ؟ براہِ کرم ضرور بتائیے گا۔