غزل

خیال ہی خیال ہے نہ بحر ہے نہ تال ہے
سخن کے آسمان پر زمین کا زوال ہے

کلام درکلام ہے یاگردشوں میں جام ہے
نہ دلکشی ہے میر کی نہ فیض سا کمال ہے

جمال کیا جمال ہے یہ جان کا وبال ہے
برہنہ روح کےليے حیا بھی اب سوال

جلال ہی جلال ہے نہ عقل ہے نہ چال ہے
ہمارے گھر کے معتبر سبھی کا ایک حال ہے

شکست پر شکست ہے نہ جنگ ہے نہ کشت ہے
سبھی کا یہ خیال ہے یہ دشمنوں کی چال ہے

سکون بےسکون ہے دماغ پر جنون ہے
نہ جانے کیوں خفا ہوں میں نہ جانے کیا ملال ہے

 

محترم ملک بلال صاحب !
آپ کی پسندیدگی اور حوصلہ افزائی کا بہت بہت شکریہ.
اس غزل کے مطلع کو بیان کرنے بیٹھوں تو گھنٹوں لگ جائیں. مختصراً یہ کہ عصرِ حاظر کے سخن کے آسمان پر اتنے عہد ساز ، قد آور شاعر نظر نہیں آتے جتنے انیسویں اور بیسویں صدی میں ظہور پذیر ہوۓ. جبکہ علم اور علم تک رسائی بہت آسان ہو گئی اور بلخصوص اردو سمجھنے والوں کی تعداد بیسیوں گناہ ذیادہ ہو گئی ہے.
والسلام