غزل - ہم کو آتا نہیں، جفا کرنا

غزل
ہم کو آتا نہیں، جفا کرنا
ذیشان نورصدیقی (ذیش)
(zeesh.urdu.poetry@gmail.com)

ہم کو آتا نہیں، جفا کرنا
تم سکھا دو ذرا، وفا کرنا

آج دشوار ہے زماے میں
بھلے لوگوں سے بھی نباه کرنا

اپنی نظروں میں آپ گر جاؤ
کبھی ایسی نہیں خطا کرنا

صرف خوشیاں نصیب ہوں اس کو
آج ایسی کوئی دعا کرنا

بے وفائی کا سر جھکا پاؤ
ذیش ! کرنا تو یوں وفا کرنا

 

محترم !
غزل پڑھی ۔ماشاء اللہ بہت خوبصورت خیالات، بندشِ الفاظ وہ کہ آتش کے بقول جَڑنے میں نگوں سے کم نہیں،چھوٹی اور رواں بحر
گویاشفاف پانی کی ایک نہر ہے مگر بحر کی سی گہرائی اور گیرائی لیے ۔۔۔۔۔وا ہ صاحب واہ ، بہت بہت داد قبول فرمائیں۔اُمید ہے آیندہ
بھی آپ کی شاندار تخلیقات پڑھنے کوملتی رہیں گی۔
۔۔۔ایک ذرا سا ٹائپنگ اور قافیہ کا کج نظر آیا۔۔۔ممکن ہے روانی میں ایسا ہوگیا ہو، نباہ قافیہ تکنیکی اعتبار سے دُرست نہیں اور دوسری
ٹائپنگ میں زمانے کی بجائے زماے لکھا گیا ۔۔۔۔۔۔۔۔باقی غزل اور اِس کا ہر شعر اور مضمون لاجواب ہے،ماشاء اللہ!

 

اسلام و علیکم
شکیل صاحب!
ممنون ھوں آپ کی توجہ اور قیمتی وقت کا- آپ کی نشاندہی کے مطابق تبدیلی لازم-
براہ کرم رہنمائی فرما دیں کہ اس کلام کو طباعت کے لیۓ کہاں بھیجنا مناسب ہوگا-

شکریہ

 

بہت خوب بہت اچھا لگا آپ کا کلام

 

ماشاء اللہ خوبصورت کلام