غزل -پھر سے محبت میں گرفتار ہونا اچھا ہے

یونہی بے سبب رات کو جاگنا اچھا ہے
پھر سے محبت میں گرفتا ہونا اچھا ہے

چاک گریباں،چشم نم، درد دل، درد جگر
سب کچھ عرض کیا تو آواز آئی،اچھا ہے

ناصحا! حلال و حرام کے تذکرے نہ کیجیو
یہ دل کی بستی ہے یہاں سب اچھا ہے

یہ جو سرِ شام امید کا چراغ جلتا ہے
کسی شب بجھ جائے تو کیا ہی اچھا ہے

یہ غزلیں ،نظمیں اور ان سے شہرت
چلو جاناں ! اس ہجر میں کچھ تو اچھا ہے

انجان مسافر ہوں،منزل کا پتہ نہیں
مگر سرِراہ ، بار بار لٹنا بھی تو اچھا ہے

محبت میں مروت تھی سو اب بھی ہے
تری جیت میں مری ہار ہو تو اچھا ہے

​

 

محترم ابراہیم مرزا صاحب ۔ آپکے پاس تخیل اور لفاظی ایک نعمت خداداد ہے ۔
ممکن ہو تو "علمِ عروض" اور بالخصوص "علم قافیہ و ردیف" کا مطالعہ فرما لیں ۔ کلام میں مزید خوبصورتی ہوگی۔

 

نعیم صاحب مشورہ کے لئے بہت شکریہ اور محبت ،دراصل اصولِ تقطیع کو جاننے کی کوشش ہے آجکل۔۔انشااللہ مستقبل میں جو کمی رہ گئی ہے اسے رفع کرنے کی کوشش کروں گا

 

جناب محبت آپکی،امید ہے مستقبل میں زورِ قلم اور نکھرے گا@آصف احمد