غزل - خواب ہے یا خیال ہے دنیا

معزز احبا ب کے ذوق مطالعہ کی نذر


غزل

خواب ہے یا خیال ہے دنیا
ایک مشکل سوال ہے دنیا

اس میں پھنس کر نکل نہیں سکتے
کوئی مکڑی کا جال ہے دنیا

خلدِ عقبیٰ ہے اُس کا مستقبل
جس کا ماضی نہ حال ہے دنیا

آئنہ ہے مثال دنیا کی
آئنے کی مثال ہے دنیا

چند لمحوں کی‘ ساعتوں کی نہیں
کاہشِ ماہ و سال ہے دنیا

ہم یونہی شعلہ زن نہیں پھرتے
باعثِ اشتعال ہے دنیا

کون ہے جو کہ مطمئن ہے فصیحؔ
کیا ترے حسبِ حال ہے دنیا

شاہین فصیحؔ ربانی​

 

جواب: غزل - خواب ہے یا خیال ہے دنیا

عمدہ انتخاب ہے بہت خوب زبردست :happy:

 

جواب: غزل - خواب ہے یا خیال ہے دنیا

حسن رضا جی!

آپ کا بہت شکریہ۔ بہت خوش رہیے۔

 

جواب: غزل - خواب ہے یا خیال ہے دنیا

بہت عمدہ شیرنگ

 

جواب: غزل - خواب ہے یا خیال ہے دنیا

خوب ربانی جی بہت خوب

عمدہ کلام ھے ، شاعری کی چوپال اب سونی نہیں‌ہو گی مجھے قوی امید ھے

 

جواب: غزل - خواب ہے یا خیال ہے دنیا

ملک بلال صاحب!
اس عنایت پر ممنون ہوں آپ کا،
ہر پل شاد رہیے۔

 

جواب: غزل - خواب ہے یا خیال ہے دنیا

اقرا ناز صاحبہ!
آپ کا بہت شکریہ، شاد آباد رہیے

 

جواب: غزل - خواب ہے یا خیال ہے دنیا

خوشی جی!

بہت خوشی ہوئی آپ کی رائے پڑھکر،
ان شاءاللہ اپنی شاعری کے ساتھ حاضری دیتا رہونگا۔
آپ کا بہت شکریہ۔
سدا خوش رہیے