عورت کی تخلیق پر ایک عمدہ نظم

ٌٌٌٌٌٌٌٌعورت کی تخلیق پر ایک نظمٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴٴ

دل میں صانعِ ازل کے ایک دن آیا خیال
اھلِ دنیا کو دکھاۓ اپنی حکمت کے کمال

آب و گِل کو دلبری کا اک نیا انداز دے
پیکرِ بے بال و پر کو طاقتِ پرواز دے

یہ خیال آتے ھی، قدرت ھو گئ مصروف کار
چاند سے سیمیں شعاعیں ، چند لے لیں مستعار

أخذ کی قدرے حرارت ، مہر پُر تنویر سے
کج روی تھوڑی سی مانگی، آسمان ِپیر سے

لطف زھرہ سے لیا، مریخ سے قہر و غضب
مشتری سے نور، ظلمت زحل سے کی طلب

رنگ و بوُ پھولوں سے مانگا، شاخ سے انگڑائیاں
برگِ گُل سے تازگی، شمشاد سے رعنائیاں

آنکھ نرگس سے طلب کی سوسن سے زبان
لاجونتی سے ھوا ، بادِ صبا سے شوخیاں

ناز نافرماں سے،، کلیّوں سے تبسم کی ادا
پیچ و خم سنبل سے مانگا،داغ لالہ سے لیا

آبرو ،گوھر سے مانگی ، موج سے مانگی شکن
جذب مقناطیس سے، مرجان سے مانگا بانکپن

اخذ فرمایا تلّون ، چرخ ِ نیلی فام سے
بادہ گلگوں سے مستی، اور گردش جام سے

برف سے مانگی برودت ، خامشی تصویر سے
سنگ و آھن سے درشتی، دل خراشی تیر سے

زھر ناگن سے لیا، روباہ سے مکاریاں
شمع سے سوز نہاں ، بلبل سے اندازِ فغاں

لذتیں فردوس سے ، حوروں سے حسنِ دلنواز
اخذ کی غلماں سے اطاعت، اور فرشتوں سے نیاز

جب فراھم ھو چکے اجزا یہ سارے ایک ساتھ
ان کی آمیزش سے اُٹھا صانع قدرت کا ھاتھ

اس مرکب سے بنائ ، ایک تمثالِ حسیں
ماہ سیما، دلربا، شیریں ادا، ناز آفریں

دیکھ کر یہ پیاری صورت، صانع ھنس پڑا
اور اس کافر ادا کا نام عورت رکھ دیا​

 

بہت اچھی نظم ہے۔
چلیں اسی بہانے آپ پر ہماری عظمت و اہمیت تو واضح ہوئی

 

زبر10 جی

 

نعیم بھائی آخری شعر میں جو کافر لفظ آیا ہے ؛ اس کی وضاحت کریں گے؟

 

السلام علیکم مجیب منصور بھائی ۔
دنیائے ادب میں کافر ادا سے مراد کسی کے حسن وجمال یا اداؤں کی تعریف میں مبالغہ آرائی کرنا ہے۔ یعنی کوئی اگر اتنا حسین و جمیل ہو کہ بڑے سے بڑے ایمان والا بھی اسے کے حسن وجمال کے سحر میں گرفتار ہوکر اپنا ایمان بھول بیٹھے تو ایسے حسن و جمال یا نازوانداز کو کافر جمال یا کافر ادا کہہ دیتے ہیں۔ لیکن یہ صرف استعارہ ہے۔ اس سے حقیقت مراد نہیں لی جاتی اور نہ ہی لی جانی چاہیئے۔

 

واہ ۔۔ بہت خوب :101:

 

جواب: عورت کی تخلیق پر ایک عمدہ نظم

عورت
وجود زن سے ہے تصویر کائنات میں رنگ
اسی کے ساز سے ہے زندگی کا سوز دروں
شرف میں بڑھ کے ثریا سے مشت خاک اس کی
کہ ہر شرف ہے اسی درج کا در مکنوں
مکالمات فلاطوں نہ لکھ سکی، لیکن
اسی کے شعلے سے ٹوٹا شرار افلاطوں

علامہ اقبال

 

جواب: عورت کی تخلیق پر ایک عمدہ نظم

بھت اچھی نظم ھے نعیم بھائ۔ بس آپ مردوں کی تخلیق پر بھی اک نظم لکھ ڈالیں۔
ویسے سچ ھے :
وجود زن سے ہے تصویر کائنات میں رنگ