عمران خان کی ہمشیرہ علیمہ خان نے لیگی دور کی ایمنسٹی اسکیم سے فائدہ اٹھایا

وزیراعظم عمران خان کی ہمشیرہ علیمہ خان کی جانب سے غیرقانونی اثاثوں کی مجموعی مالیت کے 50 فیصد ٹیکس وجرمانے کے بجائے ن لیگ کے دورحکومت میں اعلان کردہ ایمنسٹی اسکیم سے استفادہ کرنیکا انکشاف ہوا ہے۔
ایف بی آر نے وزیر مملکت برائے ریونیو حماد اظہر کو تفصیلی رپورٹ جمع کرادی، ایف بی آر کے سینئر افسر نے نام ظاہر نہ کرنے کی شرط پر بتایا علیمہ خان نے چھپائے جانیوالے ملکی وغیرملکی اثاثہ جات پر 25فیصد ٹیکس اور25 فیصد جرمانہ ادا نہیں کیا۔
ذرائع کاکہنا ہے کہ علیمہ خان نے سابق حکومت کی جانب سے ملکی وغیرملکی اثاثہ جات کو قانونی حیثیت دلوانے کیلیے متعارف کردہ ایمنسٹی سکیم کے تحت اپنے غیرقانونی ملکی و غیرملکی اثاثہ جات ظاہر کئے ہیں۔