علم و شعور و آگہی کاغذ قلم ( از شاعر علی شاؔعر ۔ کراچی)

علم و شعور و آگہی کاغذ قلم
اب دے رہے ہیں روشی کاغذ قلم
​

جو بھی کرے نعتِ نبی تحریر تو
دیں گے پیامِ دوستی کاغذ قلم​

​

ان کی ثنا خوانی میں ہیں مصروف سب
گل، چاند، سورج، آدمی، کاغذ، قلم​

​

اپنی زباں میں کررہے ہیں روز و شب
مدحت سرائی آپکی کاغذ قلم​

​

اذنِ سفر دو اب مدینے کا مجھے
لکھ لائیں میری حاضری کاغذ قلم​

​

دل سے لگائے نعت کے دیوان کو
ہیں زینتِ محفل سبھی کاغذ قلم​

​

آقا تمہاری ذات سے مانوس ہیں
ہرگز نہیں یہ اجنبی کاغذ قلم​

​

بحرِ ثنا ہے موجزن قرآن میں
رکھتے نہیں دامن تہی کاغذ قلم​

​

ہوجا نبی کی ذات سے تو منسلک
پیغام دیتے ہیں یہی کاغذ قلم​

​

ہر جگہ پھیلارہے ہیں کس قدر
امن و سکون و آتشی کاغذ قلم​

​

دل کی نظر سے دیکھتے ہیں آپ کو
شاعؔر کریں دیدہ وری کاغذ قلم​

مجموعہِ کلام : نور سے نور تک​

 

اللہ تعالیٰ آپ کو بھی جزائے خیر عطا کرے آمین