عقیدت سے رسول ہاشمی سرکار کو دیکھیں ۔ ابرار احمد سمستی پور

عقیدت سے رسول ہاشمی سرکار کو دیکھیں
امام الانبیا کونین کے مختار کو دیکھیں

ولادت جب ہوئ ہے آمنہ کے لعل کی جگ میں
پئے تعظیم جھکتے کعبہ کے دیوا کو دیکھیں

سراپا نور ہیں مصطفے صلے علے اپنے
تو پھر کیوں کر مقابل ماہ دھبے دار کو دیکھیں

چمک آنکھوں میں آئے گی منور قلب بھی ہوگا
جو دل سے گنبد خضرٰی کی ہم مینار کو دیکھیں

جنہیں ہے دیکھنا جلوہ خدائے پاک کا یارو
چلیں طیبہ میں چل کے بارش انوار کو دیکھیں

سنا جب سے کہ پائ روشنی آنکھیں پیمبر سے
نگاہوں کی تمنا ہے رخ سرکار کو دیکھیں

تمنا دید کی لیکر کھڑے آقا ہیں کب سے ہم
اٹھائیں رخ سے پردہ آپ بھی ابرار کو دیکھیں

ابرار احمد سمستی پور​

 

اللہ تعالیٰ آپ کو بھی جزائے خیر عطا کرے آمین