سیانے بیواقوف لو جی بھلے وقتاں وچ ایک کمہار ، اودی بیوی پتر تے بہو نے پنڈ دے چوھدری تو تنگ آ کے فرار ہونے دی کوشش کیتی۔ صبح سویرے اوہناں نے ویسن دے لڈو بنائے تے گھر بوہا بند کر کے پنڈ توں بار دوڑ لا دتیی۔ بد قسمتی نال پنڈ تو تھوڑا جیا دور ہی چوہدری دا اونہاں دے نال ٹاکرا ہو گیا، تے اونہاں دی تیاری توں چوہدری نوں اندازہ ہویا کہ اے تے نس رہیئے نے۔ اوہنے کیا اوئے کتھے چلے او، لگدا نس رہیے او، ایدھر آو: تہاڈی ایسی تیسی ، تہانوں ملے گی سزا: سارے ایتھے آ جاو لو جی چوہدری صاحب نے لا لیتا چھتر: تے نال کہن لگیا، اوئے کمہارا، مرغا بن پہلے تینوں وجن گیاں کیوں کے توہی اینا دا زمہ وار ایں: کمہار دی بیوی نوں آکھیا ادھر آ، تھیلے وچوں لڈو کڈ، تے جدوں میں دس لتر ماراں تو مینوں ایک لڈو کھلانا اے، کمہار دے پتر نو بلا کے کیا اوئے درخت اتے چڑ جا، جدوں میں دس لتر ماراں تے توں سجے پاسے واجاں مارنیاں نے تے جدوں میں دس لتر فیر ماراں تے کھبے پاسے واجاں مارنیاں نے، نی کڑیئے ایدھر آ توں لتر گننے نے کہ کنے ہو گئے،جدوں دس ہون نے مینوں دسیں تے سہی سہی گنی، جدوں سو چھتر ہو جان تے فیر دوجے بندے دی واری آوئے گی۔ لو جی ایدھے توں بعد کم شروع ہو گیا، کمہار بیچارے نوں بڑی گدڑ کٹ پئی: فیرجدوں چوہدری مار مار تھک گیا تے او اوناں نو اوتھے چھڈ کے پنڈ ول ٹر پیا، اودے جاندے ہی : کمہار دے پتر نے اپنے باپ نوںکیا: ابا میں چوہدری نو بڑا بیواقوف بنایا: اودے پیو نے ہائے ہائے کردے ہوئے آکھیا اچھا او کنج، پتر: جدوں چوہدری دس لتر ماردا سی نا تے میں سجے دی بجائے کھبے پاسے واجاں ماردا سی ، تے جدوں فیر دس ماردا سی میں کھبے دی بجائے سجے ویکھدا سی: اے گل سن کے کمار دی بیوی بولی لو جی ای وی کوئی گل اے میں چوہدری نوں بیواقوف بنایا جے، کمہار نے پوچھیا اوہ کنج: بیوی: چوھدری نے کہیا سی پورا لڈو کھلائیں تے میں اونو ادھا لڈو کھلاندی ساں، لو جی ہن اونہاں دی بہو نو وی خیال آیا تے بولی ابا جی میں اینا ساریاں تو زیادہ چوھدری نوں بیواقوف بنایا جے، جدوں او لتر مار مار کے پوچھدا سی نا کے کنے ہوئے ، تے لتر ہوندے سی دس پر میں کہندی سی پنج ہوئے چوھدری صاحب۔ ایے گل سننے دی دیر سی ، کمہار نے تے چک لتا ڈنڈا ، تے اوناں نوں کٹ لاندا ہویا پنڈ واپس لے آیا۔
جواب: عقلمند یا بیوقوف اوہ اچھا، میں کمہاراں دے باری سننی سی۔ چلو، گل ساری اے بیواقوف سیانیاں دی۔ شکریہ
جواب: عقلمند یا بیوقوف اے ساڈے ملک دی کہانی تے نہیں چوھدری ساڈے حکمران وی سانوں مارن تے زور رکھیا اے۔ سانوں مشورہ دین والے وی چور۔ ساڈا خیال رکھن والے وی چور۔ جنہاں تے سانوں اعتماد اے او وی چور۔
