عشق جب بن کے خدا دل کے قریں رہتا ہے

عشق جب بن کے خدا دل کے قریں رہتا ہے
پھر زمانے کے کہاں زیر ِ نگیں رہتا ہے

آج خوابوں کے طلسمات میں کھوئی ہے حیات
کل ہی مل جایے گی تعبیر یقیں رہتا ہے

روشنی ڈھونڈنے نکلا تھا جو میخانوں میں
قصر ِ ظلمت میں وہ اب تخت نشیں رہتا ہے

منزل عشق کی راہوں کے مسافر ہم لوگ
دشت لیلی میں ہی ہر قیس مکیں رہتا ہے

بے حجابی ہے تری مہر ِ منور کی طرح
چاند بدلی سے جو نکلے تو حسیں رہتا ہے

جب سے اترا ہے وہ نظروں میں حسین ماہ ِجبیں
دل کے پردوں میں کہیں پردہ نشیں رہتا ہے

میں گدائے شہہ لولاک ، دو عالم ہیں مرے
میری نظروں میں یہاں خلدِ بریں رہتا ہے

رات درویش کی آنکھوں میں چمکتے ہیں نجوم
دل میں اک چاند حسیں سجدہ نشیں رہتا ہے

فاروق درویش

 

جواب: عشق جب بن کے خدا دل کے قریں رہتا ہے

بہت خوب درویش صاحب۔ عمدہ تخیل ہے۔

 

جواب: عشق جب بن کے خدا دل کے قریں رہتا ہے

بہت خوب محترم بھائی فاروق درویش صاحب
بہت اچھی ہے آپ کی یہ غزل۔
بہت سی پیش ہے، قبول کیجیے۔