عدو جس سے مرعوب ہے وہ عمر ہے ۔۔عمر علی شاہ

عدو جس سے مرعوب ہے وہ عمر ہے
نبیﷺ کو جو محبوب ہے وہ عمر ہے

کیا جس نے انصاف کا بول بالا
عدالت بھی کیا خوب ہے وہ عمر ہے

خدا نے کی پوری مرادِ پیمبر
نبیﷺ کو جو مطلوب ہے وہ عمر ہے

وہ فاتح ہے فارس کا روم و مصر کا
جہاں نصف مغلوب ہے وہ عمر ہے

نبی بعد آقا کے کوئی جو ہوتا
حدیثوں میں مکتوب ہے وہ عمر ہے

دعائے نبیﷺ ہے عطائے خدا ہے
وفا جس سے منسوب ہے وہ عمر ہے

نظامِ حکومت کوئی ان سے سیکھے
کہ بے مثل اسلوب ہے وہ عمر ہے
-----
عمر علی شاہ​