طالبان نے 500 خواتین خودکش بمبار تیار کر رکھی ہیں: مولانا عبدالعزیز

اعوذباللہ۔۔۔

 

ڈان ۔۔یہ ہی خبر روزنامہ ڈان نے کچھ اسطرح لگائی ہے

اسلام آباد: مولانا عبدالعزیز نے دعویٰ کیا ہے کہ کالعدم پاکستان تحریک طالبان کے پاس پانچ سو کے قریب خود کش بمبار خواتین ہمہ وقت تیار ہیں۔

ٹی ٹی پی کی تین رکنی مذاکراتی ٹیم میں شامل مولانا عبدالعزیز نے اسلام آباد میں واقع اپنے مدرسہ میں ’بلوم برگ نیوز‘ کو ایک انٹرویو میں بتایا کہ طالبان کو حکومت کے ساتھ معاہدے میں کوئی جلدی نہیں۔
۔
'آپ کو معلوم ہونا چاہیے کہ اس وقت ان کے پاس وزیرستان اور دوسرے قبائلی علاقوں میں کم از کم چار سو سے پانچ سو خواتین بمبار موجود ہیں'۔

'حکومت کو صورتحال سمجھتے ہوئے ان کے مطالبات پر غور کرنا چاہیے'۔

پاکستان تحریک انصاف اور دوسرے سیاسی رہنماؤں کے بیانات کے برعکس، مولانا عزیز نے کہا کہ طالبان شریعت کے نفاذ میں دلچسپی رکھتے ہیں اور اس لڑائی میں افغانستان میں امریکی فوج کی موجودگی 'ایک بہت چھوٹا معاملہ' ہے۔

'وہ شریعت کے نفاذ کے لیے لڑ رہے ہیں اور قدرت کا قانون ہے کہ جب لوگوں کو حقوق نہیں ملتے تو وہ اسلحہ اٹھا لیتے ہیں'۔

اسلام آباد میں پاکستان انسٹیٹیوٹ فار پیس سٹڈیز کے ڈائریکٹر محمد عامر رانا کہتے ہیں کہ مولانا نے خواتین بمباروں کی تعداد بڑھا چڑھا کر بتائی ۔

'طالبان پروپیگنڈا جنگ میں کہیں آگے ہیں اور انہوں نے ریاست کو مشکل میں ڈال رکھا ہے۔ ماضی میں خواتین خود کش بمبار ضرور استعمال ہوئیں لیکن بہت بڑی تعداد میں نہیں'۔

لال مسجد پر فوجی آپریشن کے بعد دو سال تک جیل میں رہنے والے مولانا عزیزنے خود کو امن مذاکرات سے عارضی طور پر دور کر لیا ہے کیونکہ حکومت کا اصرار ہے کہ مذاکرات آئین کے تحت ہونے چاہیں۔
۔
تاہم، مولانا نے واضح کیا کہ وہ اب بھی مذاکراتی ٹیم کا حصہ ہیں۔

جب ان سے پوچھا گیا کہ فوجی آپریشن کے پیش نظر طالبان جلد از جلد حکومت کے ساتھ معاہدہ چاہتے ہیں؟ تو مولانا نے بتایا کہ 'ٹی ٹی پی کو کوئی جلدی نہیں، وہ پچھلے دس سالوں سے ریاست کے ساتھ حالت جنگ میں ہیں'۔

'اگر فوج کے پاس ہتھیار اور فضائی قوت ہے تو طالبان کے پاس خود کش بمبار ہیں'۔

'آپ دونوں کا موازنہ نہیں کر سکتے۔ خود کش بمباروں نے تو افغانستان میں امریکی قوت کو تہس نہس کر دیا ہے'۔

 

ہماری قیادت ان سے نبٹ لے گی۔

 

کیا نمٹے گی ۔ جب سب کچھ برباد ہوجا ئے گا۔
یہ تو طالبان کے قدموں میں پڑے اپنے اقتدار کو طول دینے کے لیے اقدامات کررہے ہین۔ یہ کچھ نہیں کریں گے۔ جھوٹے لوگ جھوٹی باتیں۔

 

طالبان کے کارنامے

حریک طالبان پاکستان کے ترجمان نے کراچی میں پولیس بس پر حملے کی ذمہ داری قبول کر لی ہے۔ اس حملے میں11 پولیس اہلکار ہلاک اور 45 سے زیادہ زخمی ہوئے تھے۔
تحریک طالبان کے ترجمان شاہد اللہ شاہد نے ذرائع ابلاغ کو جاری کیے جانے والے ایک بیان میں کہا ہے: ’تحریک طالبان پاکستان کراچی میں رینجرز کی گاڑی پر ہونے والی کارروائی کی ذمہ داری قبول کرتی ہے۔‘
طالبان کے ترجمان نے واضح کیا کہ حکومت اور طالبان کے درمیان باقاعدہ جنگ بندی ہونے تک اس طرح کی کارروائیاں جاری رہیں گی۔

حکومت اور طالبان کے مابین مذاکرات شروع ہونے کے بعد طالبان ہر دہشت گردانہ کارروائی سے لاتعلقی کا اظہار کر رہے تھے۔
جمعرات کی صبح کراچی میں پولیس کی بس کے قریب ہونے والے ایک دھماکے میں کم از کم 11 پولیس اہلکار ہلاک اور متعدد زخمی ہوگئے ہیں۔
سرکاری ٹی وی کے مطابق یہ دھماکہ جمعرات کی صبح ملیر میں شاہ لطیف ٹاؤن کے علاقے میں واقع رزاق آباد پولیس تربیتی مرکز کے قریب ہوا ہے۔
مقامی پولیس کے مطابق سندھ پولیس کے جوانوں کو لے جانے والی ایک بس اور اس کے ہمراہ چلنے والی موبائل حملے کا نشانہ بنی ہے۔

اس حملے میں مذکورہ بس تباہ ہوگئی جبکہ سڑک پر موجود دیگر گاڑیوں کو بھی نقصان پہنچا ہے۔
ملیر کے ایس ایس پی راؤ انوار کے مطابق متاثرہ بس میں 55 اہلکار سوار تھے جو کہ ڈیوٹی کے لیے بلاول ہاؤس جا رہے تھے۔
ایس پی سپیشل انویسٹی گیشن یونٹ راجہ عمر خطاب کا کہنا ہے کہ دھماکہ خیز مواد ایک سوزوکی پک اپ میں نصب کیا گیا تھا۔

صحافیوں سے بات کرتے ہوئے ان کا کہنا تھا کہ سی سی ٹی وی ریکارڈنگ سے پتہ چلا ہے کہ ایک شخص سفید رنگ کی سورزوکی پک اپ سڑک کنارے کھڑی کر کے سامنے کی گلی میں کھڑا ہو جاتا ہے اور جیسے ہی پولیس بس سامنے آتی ہے تو ریموٹ کنٹرول سے دھماکہ کر دیتا ہے۔

یاد رہے کہ ایس ایس پی سی آئی ڈی چوہدری اسلم کی گاڑی کو بھی اس طرح بارود سے بھری سوزوکی سے اڑایا گیا تھا۔
دھماکے کی اطلاع ملتے ہی پولیس اور رینجرز کے علاوہ امدادی ٹیمیں جائے وقوع پر پہنچ گئیں اور لاشوں اور زخمیوں کو جناح ہسپتال منقل کر دیا گیا۔

جناح ہسپتال کے شعبۂ حادثات کی سربراہ ڈاکٹر سیمی جمالی نے ذرائع ابلاغ کو بتایا کہ اس دھماکے میں ہلاک ہونے والے 11 اہلکاروں کی لاشیں مردہ خانے میں موجود ہیں جبکہ 53 زخمیوں کو بھی ہسپتال لایا گیا ہے جن میں سے بیشتر پولیس اہلکار ہیں۔
ان کے مطابق دھماکے میں زخمی ہونے والے کم از کم دس اہلکاروں کی حالت نازک ہے۔ انھوں نے بتایا کہ زیادہ تر اہلکاروں کے سر اور جسم کے اوپری حصے میں چوٹیں آئی ہیں۔


کراچی آمد کے بعد ذرائع ابلاغ سے بات چیت میں وزیرِ داخلہ کا کہنا تھا کہ کراچی کے حالات گذشتہ چند ہفتوں میں مزید خراب ہوئے ہیں اور ان کی آمد کا بنیادی مقصد شہر کے ابتر حالات کا تجزیہ ان کا از سر نو جائزہ لینا ہے۔

انہوں نے کہا کہ کوشش کریں گے کہ کراچی آپریشن کے ابتدائی تین ماہ میں جو کامیابیاں حاصل ہوئی تھیں وہ دوبارہ حاصل ہو سکیں۔


۔ادھر وفاقی وزیرِ داخلہ چوہدری نثار علی خان نے کہا ہے کہ کراچی میں امن و امان بحال کرنا ایک مشکل اورگھمبیر معاملہ ہے۔


وہی ڈھاک کے تین پات،،،،

 

نہ خنجر اٹھے گا نہ تلوار ان سے
یہ بازو میرے آزمائے ہوئے ہیں

 

آپ لوگ یہ کیوں نہیں دیکھتے کے طالبان کے پیچھے کتنے ممالک ہیں؟؟؟
120 ممالک سے زیادہ آپ کی جان کے درپے ہیں اور ان حالات مین اگر ہم اپنے جسم و جان کو قائم رکھ سکیں ہین تو یہ صرف اللہ تعالی کا فضل و کرم کے سوا کچھ بھی نہین۔۔۔

آج تک کسی مجرم کو قرار واقعی سزا کیوں نہیں ملی؟

ہمارے سوچنے سے کچھ سنورنے والا نہیں جب تک اللہ تعالی ہماری غیب سے مدد نہ فرمائیں۔۔۔۔

 

اپنی دولت کا اندازہ لگائیں اور پھر غور فرمائیں۔

ملاحظہ فرمائیں