ضرب الامثال کا اوٹ پٹانگ استعمال

یہاں ضرب الامثال کے اوٹ پٹانگ استعمال کا سلسلہ شروع کیا جا رہا ہے۔ دیکھتے ہیں کس میں کتنا دم ہے۔

ناک میں دم کرنا

"جب ماجد کی نکسیر جاری ہوئی تو ماسٹر صاحب نے اُس کی ناک میں دم کر دیا، جس سے وہ جلد اچھا ہو گیا۔"

 

دانت کھٹے ہونا

دانت کھٹے ہونا

جب ع س ق نے املی کھائی تو اسکے دانت کھٹے ہو گئے۔

 

ایک کریلا دوسرا نیم چڑھا

دوسرے والا تو نیم پر چڑھ گیا تھا پہلے والے کو کیا ہوا؟

 

انگور کھٹے ہیں۔

جب میں پھل خریدنے بازار گیا تو ریڑھی والے پٹھان نے کہا: صیب! امب بولتا ہے کہ انگور کھٹے ہیں۔

 

پیروں تلے سے زمین نکل جانا

پیروں تلے سے زمین نکل جانا

ایک دفعہ جب عامل بنگالی اندھیرے میں گھر سے باہر نکلا تو اُس کے پیروں تلے سے زمین نکل گئی اور وہ سیدھا مین ہول میں جا گرا۔

 

پانی پانی ہونا

اب تو عامل بنگالی کو نہانا ہی پڑے گا۔

پانی پانی ہونا

دھوپ اتنی تیز تھی کہ ساری برف پانی پانی ہو گئی۔

 

پانی پانی ہونا

آج اتنی تیز بارش ہوئی کہ ہر طرف پانی پانی ہوگیا۔

 

تھالی کے بینگن

تھالی کے بینگن

عامل بنگالی ریاضت میں مشغول تھا کہ اُس کی تھالی کے سارے بینگن لڑھک گئے۔

 

الٹا چور کوتوال کو ڈانٹے

الٹا چور تو کوتوال کو ڈانٹا کرتا ہے۔ سیدھا چور بھلا کس کو ڈانٹتا ہے؟

 

الٹا چور کوتوال کو ڈانٹے

الٹا چور کوتوال کو ڈانٹے

یہ تو سارا کوتوال کا قصور ہے۔اگر وہ چور کو اُلٹا نہ لٹکاتا تو شاید وہ اُسے نہ ڈانٹتا۔

 

باغ باغ ہونا

اس سال بارشیں زیادہ ہونے کی وجہ سے ہر طرف باغ باغ ہوگئے۔

 

خدا گنجے کو ناخن نہیں دیتا

خدا گنجے کو ناخن نہیں دیتا

خدا گنجے کو اِس لئے ناخن نہیں دیتا کہ کہیں وہ سر کُھجاتے کُھجاتے لہولہان نہ ہو جائے۔

 

محاوروں کا غلط استعمال

ضرورت ایجاد کی ماں ہے

استاد کے پوچھنے پر شاگرد نے بتایا کہ ضرورت اعجاز کی ماں ہے۔

 

دال میں کچھ کالا ہونا

دال میں کچھ کالا ہونا

دال میں کچھ کالا ہے تو اسے نکال دو اور اگر دال پوری ہی کالی ہے تو اسے انڈیل دو۔

 

الٹے بانس بریلی کو

الٹے بانس بریلی کو

الٹے بانس بریلی کو

سیدھے بانس دیوبند کو

 

ناچ نہ جانے آنگن ٹیڑھا

ناچ نہ جانے آنگن ٹیڑھا

ٹیڑھے آنگن کو تو ناچنا نہیں آتا مگر کیا سیدھا آنگن اچھا ناچ لیتا ہے؟

 

Re: الٹے بانس بریلی کو

 

دوسروں کو نصیحت ؟؟؟

دوسروں کو نصیحت خود میاں فصیحت!!!
سوکھے سڑے ۔ ھڈیوں کے ڈانچے ایک ضعیف آدمی بُری طرح کھانستے مگر اسی شدّت سے زور زور سے سگریٹ کے کش پہ کش لگاتے ۔۔۔ سگریٹ کے پیکٹ پر لکھے ؛؛خبردار تمباکو نوشی صحت کیلئے مضر ہے ؛؛ وزارتِ صحت! کو پڑھ کے کھانستے کھانستے کہہ رہے تھے ۔۔۔ !!!
ہنہہ دوسروں کو نصیحت !!! خود میاں فصیحت !!!

 

Re: دوسروں کو نصیحت ؟؟؟

محترم یہ لڑی ضرب المثل کے اوٹ پٹانگ استعمال کے لئے بنائی گئی ہے۔ اس لئے یہاں ضرب المثل کا درست استعمال قانوناً جرم ہے۔ وزارتِ اردو

 

صبح کا بھولا شام کو واپس آ جائے تو

صبح کا بھولا شام کو واپس آ جائے تو اسے بھولا نہیں کہتے

صبح کا بھولا شام کو واپس آ جائے تو اسے بھولا نہیں بھٹکا کہتے ہیں۔

 

Re: دوسروں کو نصیحت ؟؟؟

آخر ٹھرے جو ٹو ان ون

 

جس کی لاٹھی اس کی بھینس

جس کی لاٹھی اس کی بھینس

جس کی لاٹھی اس کی بھینس اور جس کی کاٹھی اس کا گھوڑا

 

جو گرجتے ہیں وہ برستے نہیں

جو گرجتے ہیں وہ برستے نہیں

کیونکہ برسنے والے انہیں مار کر بھگا دیتے ہیں۔

 

اینٹ کتے کا بیر ہونا

اینٹ کتے کا بَیر ہونا

ان دونوں میں اینٹ کتے کا بَیر ہے۔ البتہ یہ معلوم نہیں کہ دونوں میں سے اینٹ کون ہے اور ۔۔۔۔ کون ہے؟

 

آم کے آم گھٹلیوں کے دام

آم کے آم گھٹلیوں کے دام

گھٹلیاں تو مانا کہ دام ادا کرنے پر ملتی ہیں مگر آم کیا مفت میں ملتے ہیں؟

 

چور مچائے شور

چور مچائے شور
چور نے پولیس والے (مامے) کو دیکھ کر خوشی سے شور مچایا کہ میرا حصہ دار ٹائم پر پہنچ گیا۔

 

Re: چور مچائے شور

یہاں تو پولیس والوں میں بھی مامے نکل آئے۔ :shock:

بھینس کے آگے بین بجانا

بھینس کے سامنے بین بجانے کا کوئی فائدہ نہیں ہوتا۔ اس لئے جب بھی بین بجاؤ تو بھینس کے سامنے نہیں بلکہ کان کے پاس بجاؤ تاکہ وہ سن تو سکے۔

 

Re: پیروں تلے سے زمین نکل جانا

لگتا ہے کہ فیصل آباد کے مین ہولوں سے ڈھکن اٹھانے کا ٹھیکہ آج کل ع س ق کے پاس ہے۔

آسمان کا تھوکا منہ پر آتا ہے۔

آسمان کا تھوکا اگر منہ پر آتا ہے تو زمین پر تھوکا کہاں جاتا ہے؟

 

دودھ کا دودھ پانی کا پانی ہونا

انہی مین ہولوں میں جہاں آپ اتنا عرصہ غوطے کھاتے رہے۔

دودھ کا دودھ پانی کا پانی ہونا

عامل بنگالی نے صبح سے پڑا لسی کا جگ شام کو پینے کے لئے اٹھایا تو اُس میں دودھ کا دودھ اور پانی کا پانی ہو چکا تھا۔

 

جب گیدڑ کی موت آتی ہے تو وہ شہر کی

جب گیدڑ کی موت آتی ہے تو وہ شہر کی طرف بھاگتا ہے۔

اور جب کتے کی موت آتی ہے تو کیا وہ گاؤں کی طرف بھاگتا ہے؟ :?