صلوٰة و سلام - خلق کے سرور، شافع ِ محشر صلی اللہ علیہ وسلم (مکمل کلام ) ۔۔ امیؔر مینائی

خلق کے سرور ، شافع ِ محشر صلی اللہ علیہ وسلم​

مرسلِ داور، خاص پیمبر صلی اللہ علیہ وسلم

نورِ مجسم، نیرِ اعظم، سرورِ عالم، مونس آدم
نوح کے ہمدم، خضر کے رہبر صلی اللہ علیہ وسلم

فخرِ جہاں ہیں ، عرش مکاں ہیں، شاہِ شہاں ہیں، سیفِ زباں ہیں
سب پہ عیاں ہیں آپ کے جوہر صلی اللہ علیہ وسلم

بحر ِ سخاوت، کانِ مروت، آیۂ رحمت، شافعِ امت
مالکِ جنت، قاسم ِ کوثر صلی اللہ علیہ وسلم

قبلہِ عالم، کعبہِ اعظم، سب سے مقدم، راز سے محرم
جانِ حجسم، روحِ مصور صلی اللہ علیہ وسلم

دولتِ دنیا خاک برابر، ہاتھ کے خالی دل کے تونگر
مالکِ کشور، تخت نہ افسر صلی اللہ علیہ وسلم

رہبر ِ موسٰی، ہادیِ عیسٰی، تارکِ دنیا، مالکِ عقبی
ہاتھ کا تکیہ، خاک کا بستر صلی اللہ علیہ وسلم

سروِ خراماں، چہرہ گلستاں، تاباں، مہرِ درخشاں
سنبلِ پیچاں، زلفِ معنبر صلی اللہ علیہ وسلم

طشمہِ جاری، خاصہِ باری، گردِ سواری، بادِ بہاری
آئنہ داری، فخرِ سکندر صلی اللہ علیہ وسلم

مہر سے مملو ریشہ ریشہ نعت امیؔر اپنا ہے پیشہ
وِرد ہمیشہ دن بھر شب بھر صلی اللہ علیہ وسلم

مجموعہِ نعت : محامدِ خاتم النبیین​

 

اللہ تعالیٰ آپ کوبھی جزائے خیر عطا کرے آمین

 

اللہ تعالیٰ آپ کوبھی جزائے خیر عطا کرے آمین

 

آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین