صدیق اکبر رضی اللہ تعالٰی عنہ کا غصہ:

بسم اللہ الرحمن الرحیم​

​

صدیق اکبر رضی اللہ تعالٰی عنہ کا غصہ: ​

​

حضرت ابو بکر صدیق رضی اللہ تعالٰی عنہ کو حضرت مسطح بن اثاثہ پر بڑا غصہ آیا۔ یہ آپ کے خالہ زاد بھائی تھے اور بچپن ہی میں ان کے والد دفات پا گئے تھے۔ تو حضرت ابو بکر صدیق رضی اللہ تعالٰی عنہ نے ان کی پرورش بھی کی تھی اور ان کی مفلسی کی وجہ سے ہمیشہ آپ ان کی مالی امداد فرماتے رہتے تھے۔ مگر اس کے باوجود حضرت مسطح بن اثاثہ رضی اللہ تعالٰی عنہ نے بھی اس تہمت تراشی اور اس کا چرچا کرنے میں کچھ حصہ لیا تھا اس وجہ سے حضرت ابو بکر صدیق رضی اللہ تعالٰی عنہ نے غصہ میں بھر کر یہ قسم کھالی کہ اب میں مسطح بن اثاثہ کی کبھی بھی کوئی مالی مدد نہیں کروں گا۔ اس موقع پر اللہ تعالٰی نے یہ آیت نازل فرمائی کہ۔ ​

​

ولا یاتل اولوا الفضل منکم والسعۃ ان یوتوا اولی القربٰی والمسکین والمھاجرین فی سبیل اللہ ولیعفوا والیصفحوا ط الا تحبون ان یغفراللہ لکم ط واللہ غفور رحیم (سورۃ النور) ​

​

اور قسم نہ کھائیں وہ جو تم میں فضیلت والے اور گنجائش والے ہیں۔ قرابت والوں اور مسکینوں اور اللہ کی راہ میں ہجرت کرنے والوں کو دینے کی اور چاہئیے کہ معاف کریں اور درگزر کریں کیا تم اسے پسند نہیں کرتے کہ اللہ تمہاری بخشش کرے، اور اللہ بہت بخشنے والا اور بڑا مہربان ہے۔ ​

​

اس آیت کریمہ کو سن کر حضرت ابو بکر صدیق رضی اللہ تعالٰی عنہ نے اپنی قسم توڑ ڈالی اور پھر حضرت مسطح بن اثاثہ رضی اللہ تعالٰی عنہ کا خرچ بدستور سابق عطا فرمانے لگے۔​

​

(بخاری حدیث الافک ج2 ص 595 تا 596 ملخصاً)​

 

جزاک اللہ

 

ماشا اللہ

 

ماشاء اللہ
بہت خوب
کیا ہی اونچا مقام ہے صدیق کائنات رضی اللہ عنہ کا

 

وہ تو وہ تھے جہاں جھکایا گیا جھک گئے اور ہم خود بدلتے نہیں قرآن کو بدل دیتے ہیں